无线踏入金禧日子，仍有女星无惧「禁色令」，红地毯上肉光四射博来版面，咁男星又可以点呢？《万千星辉贺台庆》找来50位小生身穿黑色西装跳踢跶舞，最先出现舞台嘅黎诺懿、马国明同杨明在钢琴伴奏声下，舞步较为简约，而随着音乐变为《Billie Jean》，萧正楠、梁烈唯、陈山聪等人即时舞王上身。

不过，数到最抢镜嘅，一定系负责打鼓嗰位陈展鹏，喺49位小生拍子下，陈展鹏连人带鼓升到半空，愈打愈起劲嘅佢，最后更嚟一个360大旋转，转完又转，陈展鹏一样咁chok咁靓仔，完全抢晒拉小提琴嘅王浩信镜头，如此创意，真系只有无线先谂得出。

商务合作微信：aqy852（注明商务合作）