新剧推介

无线热播剧《跳跃生命线》获得唔少好评，而最新一集亮点就落喺张文慈（Pinky）身上！饰演「麦在田」马德钟家姐「麦爱花」、做KOL嘅佢为咗出位咩都做，好似危坐「春娇桥」影相打卡咁！而高潮就系佢被马德钟发现影咗辑性感床照，之后嘅一场演技大爆发！被质问点解影咗啲咁嘅相时，Pinky本身泪汪汪，反驳「为人气、为hit rate」：「我唔做啲嘢会畀人淘汰㗎！」虽然啲泪水啷啷吓，但讲对白依然非常流畅又自然！点知畀马德钟用父母加埋个女「攻击」时，终于缺堤又唔敢喊到顿失气势，虽然泪流满面，但坚持冇喊到失声，仲霸气嗌走佬，喊戏有晒感情起伏，网民都大赞做得好好，仲笑言本来觉得有啲老土，但都睇到喊！

因为《我和僵尸有个约会》而开始入屋嘅Pinky，由A记亚视过档无线后有唔少演出机会，最初就系参演《老表，毕业喇！》，近期就有《宫心计2深宫计》，表现愈嚟愈入屋！有观众觉得由A记过去无线嘅女演员个个都好戏，除咗陈炜就系张文慈！唔只好多人赞佢，仲有人推佢攞飞跃女演员添！而文慈都好感触，佢喺Instagram留言：「谢谢这套剧的台前幕后所有工作人员和演员朋友，很开心可以和大家合作！辛苦大家！下套剧再见！」

本文来源网络，版权归原作者所有，如有侵权请联系删除！合作QQ：1040335247