iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

育有两子嘅前港姐叶翠翠，现时主力相夫教子，但点知佢喺社交网大吐苦水，话目击到家佣搣一岁大仔「小王子」个鼻，令佢感到十分心痛之余，仲唔开心到又晕又呕，佢话：「我真系好唔开心！比（畀）我亲眼见到工人搣小王子个鼻仔，我问佢点解要咁做，佢话系细细力，细细力咁又点？系咪就可以搣？我细细力搣你个鼻得唔得？」

iiiiiiiiiiiiiiiiiiiiiiiiiiiiiiiiiiiiiiii

翠翠接受电话访问，佢指当时亲眼目击成个过程：「我个仔捉住佢只手，同佢玩，咁工人唔想我仔捉住佢只手，咁嗰刻我望到，个感觉系佢搣我个仔嘅鼻仔，搣到我个仔痛，咁我个仔就会放手，唔系好得意搣吓块面仔嗰只，所以我好唔开心！」

「佢唔系同你玩吓嗰种Feel，如果系梗系冇问题，但唔系嗰啲，系我亲眼睇住，咁咪好唔开心囉！原来坐月期间唔开心，系会又晕又呕嘅！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

翠翠续指：「平时工人喺我面前冇乜嘢，之前试过有一次我开紧直播嗰短短三十钟，我行咗入房见到佢拎个电话出嚟畀我个仔睇，跟住我个仔就行嚟行去，当时仲未企得定，仲撞亲落张枱度，搞到块面有一条瘀咗嘅痕。咁我就知道佢人前人后系两个样，而我见到佢个动作都好纯熟，知道应该唔系第一次。」

- END -