锺嘉欣近日于温哥华返到香港，回来两天便接受好友马浚伟主持的电台访问。嘉欣是马浚伟于圈中广为人知的契妹，二人于访问中滔滔不绝，更大谈嘉欣19岁选美时个性羞涩，因陈慧琳提携才成为大热。

她说：“我第一次开音乐会邀请到陈慧琳（Kelly）做嘉宾，我真系好开心，开心到喊。因为佢当时系我选美嘅评判，系佢畀我信心，因为我当时系唔被睇好，冇人话我会赢，因为我静到不得了，见到记者我会走，唔想影到我。到见评判嗰日，即系比赛嘅前一日，陈慧琳对记者话：‘我锺意12号锺嘉欣，嚟自温哥华，因为佢笑容甜美。’由嗰一刻、一日内，我由乜新闻都冇，突然变成大热，就系因为陈慧琳嘅睇好。”

陈慧琳成为锺嘉欣演艺生涯中的伯乐，影响力绝对不少。被马浚伟问到她有没有在音乐会中重提此事，嘉欣谓竟然是陈慧琳先提起：“佢对我讲：‘你睇唔到啫，我哋个个都睇到你系掂㗎！’之后我真系超开心：‘吓，真喺㗎？多谢！’因为我真系好欣赏佢，觉得佢真系个好人！”

虽然很喜欢陈慧琳，但嘉欣重申女儿命名Kelly却与陈慧琳无关。她说：“当时我喺怀孕时，同老公瞓觉时喺度谂改咩名，突然间就谂到‘Kelly’，因为classic（经典）。依家好多父母会改好特别嘅名，有三、四个音节。所以我就想女儿有个classic啲嘅名，仲有我想佢唔好太女仔嘅感觉，而‘Kelly’嘅感觉正正比较爽朗、硬净，但又不失女性感觉。”

（资料来源网络）