家人介绍外国女仔　洪永城：可以考虑吓

艺人洪永城（Tony）日前到将军澳出席商场活动，问到如何庆祝圣诞，他表示到亲戚及朋友家中食饭：「都系亲戚朋友聚会，就系咁简单。（冇人约？）个别女士约会就未有，都会同朋友打边炉同开大食会。」

Tony又表示家人有介绍不同国籍的女士给他认识，包括泰国及西班牙，问到是否合眼缘，他笑说：「都可以考虑吓。（乜嘢年龄？）妹妹可能好啲，有睇过吓相，我唔系斋睇外表，都要睇吓内涵。再睇缘分啦！（锺意外国女仔？）咁我细过都系纽西兰长大，讲英文都系半个鬼仔嚟。」

提到前女友唐诗咏早前出席吴志雄寿宴后，到陆永家中开圣诞派对，Tony说：「我成日都见佢哋啦！陆永都有邀请我，但我有嘢做所以去唔到。大家都系好朋友，唔会有尴尬位。（唐诗咏话除夕会留喺屋企，会唔会约佢？）我相信唔系讲畀我听。」

陈晓东演《兰陵王》转型　最想反串做花旦

歌手陈晓东为2月10日于澳门威尼斯人举行的演唱会作宣传，提到数年前被负面新闻缠身，东东表现豁达，认为所有人都会遇上障碍：“我嗰啲经历算得系咩？我毕竟系一个好幸运嘅艺人，做到自己好爱嘅工作，咁有咩要唔开心呢？当时打击就一定有嘅，但今时今日我唔讲打击，我冇时间伤心，做嘢啦。”

曾饰演无数角色的东东坦言最喜欢内地剧集《兰陵王》中宇文邕一角，觉得角色令自己成功转型：“我细个已经好想演呢啲真正嘅人物，有喜怒哀乐，唔系完全好人或坏人。剧本好帮呢个角色，乞儿时期个妆我自己化，整啲血丝同泥落块面。之后佢做咗皇帝，反差好大，佢将所有感情都投放喺女主角身上，但当佢得到天下，女主角已经唔喺世上，系一个好大发挥嘅角色。”

至于将来，东东希望饰演警察，但不肯定能否演绎邋遢的角色：“我好锺意《誓不低头》，但未有人搵我拍呢种小人物嘅故事。我又想尝试好似《胭脂扣》咁反串做花旦，张国荣、周润发、刘青云、任达华同梁家辉嘅电影我都好锺意。”

老公投诉冇出Post！吴若希晒名牌袋放闪

歌手吴若希（Jinny）上年认爱澳门阔少Alex，并喺今年四月诞下为诞下囡囡Giselle，今年二人更拉埋天窗。升呢人母嘅佢，不时喺社交网晒相放闪。呢日，Jinny又喺Instagram分享收到一份Sweet爆嘅圣诞礼物，仲留言：“他问我为甚么其他人送的礼物喔会post上网，他送的我不post～～好啦～谢谢老公！”

大家估吓Alex送啲乜？其实唔难估嘅，Jinny一向锺情名牌包包，今次…冇错！佢又系收到包呀，Jinny劲开心，仲“奖励”埋老公入镜添！

网民笑邓紫棋滑雪Look似飞虎队

歌手邓紫棋（G.E.M.）一向都系大忙人，工作不断，不过适逢圣诞节，咁开心嘅日子，当然就要玩乐一番啦！继之前开圣诞party后，G.E.M.昨日又喺社交网同网友分享多张滑雪相，仲留言表示：“入行九年以来第一个圣诞假期。终于能过白色圣诞！”

原来佢就去咗外地旅游，见到着上一身滑雪装束嘅G.E.M.，坐喺雪地上摆出唔同甫士，隔住个mon都感受到佢玩得好开心，好多网民都留言问佢系咪同男友一齐过呀！有网民仲搞笑话G.E.M.呢身唔似滑雪look，似系飞虎队look多啲喎！

疑拖女事件后　洪天明周家蔚首次合体

艺人洪天明早前就被指疑在内地拖女入酒店，事后周家蔚亦表示百分百信任老公。近日家蔚在社交网站更新近况，仲上载咗一家四口嘅合照添，今次系天明爆出疑似背妻拖女事件后，两公婆首次合体。

睇番张相，见佢哋一家四口齐齐坐咗喺车上面，身为妈妈嘅家蔚带头嘟起嘴仔自拍，两个仔仔洪大仁（TJ）同洪竟琋（JT）亦都相当兴奋咁望住镜头，不过洪天明就眼定定咁望住镜头，好似好攰咁喎！

☞转载授权微信：lama129

 ☞ 商务QQ：443317765

长按识别二维码关注