唱而优则视，去年转会唱片公司，周柏豪拍完《使徒行者2》之后，家阵就拍紧新剧《多功能老婆》，有埋千嬅更加吸引，各位粉丝未有得睇剧住，都可以出街碰吓运气，因为成班演员呢期拍紧外景赶紧工㗎！日前铜锣湾街头又见到大阵仗外景队，周柏豪、黄嘉乐同吴若希都有份！

呢头笑笑口同记者say完Hello，嗰头就见柏豪青筋毕现紧握拳头，原来要同黄嘉乐拍街头打斗戏。第一次出拳武师似乎唔多收货，由出手、用力至畀反应，再细细指点柏豪多一次，柏豪企定定留心武师示范。

咁又系，平时唱得歌多、做惯情歌王子嘛，打戏本来唔系佢强项，好彩柏豪悟性高又专心，对准黄嘉乐拳拳到肉，打到对方飞起，就咁第二个take当堂神似好多，搞掂，收工！

为无线拍的第二套剧《多功能老婆》在铜锣湾拍外景，男神周柏豪离远已经见到记者，仲笑笑口打招呼。

呢头Say完Hi、又同黄嘉乐有讲有笑，嗰头剧情讲到佢出拳要打人，肉紧柏豪打到青筋都爆晒出嚟。

黄嘉乐被周柏豪打到跌落地，柏豪唔停手，拳打再脚踢！

试完一个take，武指认为仲有得改善，柏豪专心听书，同场有戏份的吴若希都企埋一齐偷吓师。

黄嘉乐还拖，虽然借位拍摄，但柏豪个反应同表情就交足戏，唔系现场见到，真系以为柏豪俾嘉乐打到有内伤！

点击下方广告支持小编！谢谢你！！！