无綫自闹出小生花旦荒后，可以担大旗嘅演员越来越少，搞到嚟嚟去去都系得嗰几个主角，而家好多时同一位演员会喺同日但唔同时段嘅剧集出现。早排先有视帝黎耀祥喺同一日竟然出现四次，真系睇到观众视觉失调。最近同样嘅事情又再发生，虽然出现次数减少，但重叠嘅主角级演员就好多，佢哋就系单立文（豹哥）、何广沛同埋傅嘉莉。

无綫星期一至五正在播《财神驾到》、《亲亲我好妈》及《乘胜狙击》三套剧，明明八点几《财神驾到》已经睇完佢哋，之后八点半嘅《亲亲我好妈》又见到何广沛，喺九点半又见到豹哥同傅嘉莉。见完又见真系会睇到观众都觉得反感。

其实闹小生花旦荒后，造就唔少新人上位，就好似无綫第26期艺员训练班毕业生嘅何广沛，喺出道作《女人俱乐部》饰演「少年版吴启华」，当时已经成功令观众留下印象。佢以小鲜肉嘅外表，加上肯学肯做，机会不断。不过唔少网民认为虽然何广沛个样OK，不过把声就有啲难顶，同埋演技仍然要好好磨练一下。

另外，提一提大家，虽然豹哥主演嘅《乘胜狙击》同《财神驾到》分别喺听日（12号）及下星期五（17号）大结局，不过嚟紧出街嘅处境剧《爱·回家之开心速递》又会再同大家见面㗎啦！

-End-

文章均为原创，未经授权一律禁止转载

如未授权转载至公众号，必追究法律责任

公众号回复艺人名字可查看其他八卦

比如：刘德华 / 古天乐 / 快乐家族 / 英皇 / 何炅 / 谢娜 / Boy'z / 叶璇 / 钟丽缇 / 吴亦凡 / 方力申 / 邓丽欣 / TVB / 任达华 / 陈伟霆 / 刘诗诗 / 杨幂 / 钟嘉欣 / 陈冠希 / SNH48……陆续整理中