歌手周柏豪出席游戏活动，他透露平常喜欢打机，今次乃寓工作于娱乐，而自己则锺情篮球游戏，问女友会否陪伴自己打机？他说：“冇㗎！我偷偷打自己轻松吓！同埋我锺意开大喇叭打机，后来有Sponsor畀headphone我之后就可以唔嘈到人咁打。”他认为只要不过分，打机能够训练头脑，但自爆打机时发生过瘀事：“同朋友连线打机，戴晒蓝芽咪嗰啲，打到兴起趷櫈，点知反櫈成个人反咗去后面，但嗰阵戴紧蓝芽唔可以嗌，唯有同啲朋友讲部结他跌咗落地，但其实我好痛！”否认公司扭计讲到今晚无綫劲歌颁奬礼，柏豪透露要拍广告未能出席：“年中嗰阵已经定咗，之后都冇时间拍，同埋以前颁奖礼系一月中嘛。（有传男歌手奖畀张敬轩，你冇大奖唔出席？）以我所知唔系咁。（同公司其他歌手去唔去？）连诗雅好似唔去，有工作在身。（仲唔系公司扭计？）唔系，我今晚会睇直播。”至于其馀三个颁奖礼，柏豪表示因要到大陆举行音乐会未能出席新城颁奖礼，问到缺席无綫及新城颁奖礼均不会获奖，岂不是减少得奖数量？他坦言：“咁讲系少好多奖，但冇计时间夹唔到，而我自己个心系关于我嘅都想参与。”