日前，陳奕迅(Eason)、導演谷德昭、劉浩龍、許紹雄等出席動作喜劇《臥底巨星》首映禮，CAllStar、林家棟、黃浩然等老友亦有前來捧場。對於片中不少動作戲，Eason坦言要用真力，但要懂得收放，而且節奏感好重要。

        提到拍攝該片時淚曬片場，Eason笑言自己當時扭計同拍檔李榮浩爭寵：「可能年紀大感性咗，唔明白呢件事點解會發生喺自己身上。」

陳奕迅出席新戲《臥底巨星》首映禮。

　　在新戲《臥底巨星》中，飾演動作巨星的Eason要拍攝不少打鬥戲分，他表示拍攝完之後，對動作演員更加尊重和欣賞，因為節奏亦很難掌握。Eason更認為被打反而更容易掌握，他說：「打人要用真力，同埋要識得收放，我寧願被人打，因為被人打只係要做反應，做打人嗰個要好用力，同埋節奏都好重要，真係好佩服動作演員，自己做過先知辛苦。」

陳奕迅和李榮浩在片中有大量對手戲。

劉浩龍在片中飾演一名動作指導。

　　Eason在台上自爆拍攝時因醋意大發而落淚，他透露當時因為要到內地參與節目《中國新歌星》，所以向劇組申請兩個星期假期，但回來拍戲時，發現導演不再愛他：「導演愛李榮浩多過我，唔知點解自己做乜都吃力不討好，我拉導演埋一邊講，一路講一路喊，從未試過，其實好瘀囉!唔係只有女仔係咁。」谷德昭聽聞笑言和Eason如同談戀愛，又解釋因李榮浩是新人，所以需要鼓勵，給對方信心。

陳奕迅自爆拍攝時因醋意大發，而淚曬片場。

谷德昭聽聞笑言和陳奕迅如同談戀愛。

　　對於淚曬片場，Eason表示是因為自覺做得未夠好：「因為我嗰一刻覺得自己做得唔夠好，啲情緒慢慢累積，唔明白呢件事點解會發生喺自己身上，可能年紀大，自己都感性咗，其實拍完我都有同劉浩龍呀、李榮浩佢哋講番。」李榮浩得知後大為欣賞，因為換做自己一定會不知如何表達，他認為Eason是好演員，導演谷德昭則表示：「我鍾意到不得了呀，佢好投入呢件事。」

對於在片場喊，陳奕迅表示是因為自覺做得未夠好。

　　問Eason演出動作戲可有受傷?他透露有受皮外傷：「戲中醉拳720招式最難做，苦練了三個多星期，好彩最後都做到。」談及為何選擇這部電影?Eason坦言有好多因素，拍完《擺渡人》後，做了兩年巡迴歌手，覺得自己生活好死板，但導演認為他好有能量，當中傾談過好多次：「去到拍又投入到，其實好開心，拍完之後我係開心返，拍呢部戲真係好開心。」

陳奕迅覺得生活好死板，所以拍攝喜劇令自己開心。

　　同場的林家棟坦言在片場亦有喊過，因為演員有時會被劇本帶動，所以情緒不會太穩定跟住角色走：「試過開車時聽歌，有時諗起一啲嘢都會眼濕濕，拍喜劇可能諗到好多無厘頭嘅事。」問到可有試過為爭寵而喊?他笑言：「通常導演錫你，先會迫到你喊，佢一定覺得你仲有好多空間同潛質，先去揸乾你，受得住咪得囉。」

林家棟坦言在片場亦有喊過，因為演員情緒會被劇本帶動。