艺人胡定欣、姚子羚、陈山聪、江美仪到尖沙咀出席剧集《同盟》饭局，定欣说：「好开心鲍起静请食饭，都约咗一段时间，因为大家都忙，佢一拍完戏返嚟就约我哋食饭庆祝剧集喺新加坡拎奖。」子羚则笑言：「我同定欣已经约好，下次要做鲍起静两个女，鲍起静好有妈咪的感觉，如果马来西亚同台庆都有好成绩，可以再约鲍起静食饭。」

讲到一班好姊妹为胡杏儿庆祝生日，定欣笑说：「系佢老公提议的，作为妈妈第一次生日，杏儿坐月唔可以四围走，平时只可以着睡衣，就提议搞个睡衣派对，佢老公偷偷哋放咗我哋入屋，我估佢都谂到我哋会庆祝，但估唔到我哋突然出现，搞到杏儿都眼湿湿！」问到下一位寿星女是谁？子羚说：「下次轮到胡蓓蔚，然后就到我，谂住一齐庆祝！（婚期先定生日先？）生日日子就一早定好咗的！」定欣则笑言：「胡蓓蔚叫咗我唔使畀惊喜，因为我试过Send错群组穿咗煲！搞到我之后Send Message都好紧张，成日要Check番有冇错。」