被指逼郑俊弘弃养前度爱犬　何雁诗否认

艺人郑俊弘（Fred）与有米旧爱分手后，两人所养的爱犬Riley交由Fred照顾，Fred与何雁诗已发展到同居关系，顺理成章何雁诗就成为Riley新主人，近日有报道指何雁诗始终都系接受唔到Riley系Fred同前度所养，Fred惟有狠心将狗送走。

对此，记者搵到何雁诗，她回应说：「我冇唔锺意Fred只狗呀，只狗仲喺Fred屋企，成件事唔系真嘅，迟啲网上再一次过回应。」

岑丽香自认够旺气：搵到个好老公

艺人岑丽香（香香）与泰臣（翟凯泰）以好运之星身份出席香港赛马会《好运1月1赛马日》记者会。他们听说历届担任赛马会的好运之星，整年运程都会非常好。香香表示妈妈从小都认为她是幸运小朋友，问到会否带旺老公及身边人？她说：「我觉得我好幸运同有福气，做到自己喜欢做嘅事，同有个好老公，希望Carry到大家。（延续福气到明年再生小朋友？）福气有好多种，同埋好多好时候可以享受，希望Carry到2018。」

问到圣诞节会否留在港？香香表示始终适逢结婚一周年纪念，都希望可以去玩。

视后够贴地！李佳芯睇中阿婆Bra

演小三邪花上位的李佳芯（Ali）戏内性感狂野，原来现实却十分保守！

虽然荣升视后，但Ali依然过着平民化生活，她日前选购保暖内衣及保暖裤时，竟然对阿婆款式的胸围有兴趣，期间还不时致电男友问意见，逛了差不多一小时，她手持大堆内衣裤及一件粉色毛毛外套及毛毛拖鞋等往排队付款。收获丰富的她挽着大袋战利品离开，临走前折返面包店取面包，再往停车场取车返闺。

何超莲唱G.E.M.饮歌被嫌甩嘴

歌手邓紫棋（G.E.M.）与何超莲向来老友鬼鬼，最近超莲去咗台湾，但亦不忘同G.E.M.玩视像对话，就连唱K都要Keep住联络对方，认真姊妹情深！G.E.M.呢日喺社交网「出卖」好姊妹超莲，分享对方唱K片段，并留言话：「昨晚这个人从台湾Facetime我叫我听她唱歌，哈哈哈哈！」

片中所见，超莲特登唱G.E.M.嘅歌曲《写不完的温柔》，劲捧场凼得G.E.M.好开心，但唔知佢系咪太紧张，竟然唱唱吓甩嘴，搞到镜头另一边嘅G.E.M.忍唔住大嗌：「喂呀！你又错！」令超莲亦忍唔住大笑，相当搞笑！

唔少网民则大赞超莲歌喉唔错，仲话首歌好多高音位，但超莲都成功挑战，如果冇甩嘴就更加完美喇！亦有网民笑言希望G.E.M.继续「出卖」姊妹，开心Share超莲嘅唱歌片畀大家欣赏。

洗米华公司开圣诞P 洗米嫂揽家栋劲Sweet

踏入12月，好多公司都会趁机开吓P，同日前太阳娱乐文化就假九展举行圣诞P，更以「杀手之夜」为主题，公司上下都要扮嘢出席，老板周焯华（洗米华）、唐才智及董事总经理黄柏高当然有出席，而旗下艺人许志安、薛凯琪、刘浩龙（师兄）、沈震轩、Kevin Boy（KB）等亦拉队到场。

讲到佢哋啲造型，师兄揽住个盆栽扮《这个杀手不太冷》嘅Leon、沈震轩就扮化身《杀神John Wick》主角John Wick，但佢哋都不及一向玩得好尽嘅KB，佢以《德洲电锯杀人狂》扮相现身，而KB亦顺理成章赢得最佳造型奖季军。

现场设有现金大抽奖，其中曾国祥中奖，佢不单只攞番中奖嗰10,000蚊出嚟再抽，更自掏腰包、攞多10,000出嚟加码。至于获邀成为座上客嘅林家栋，除咗自掏40,000蚊出嚟之外，更落足嘴头众筹，合共筹到50万元，令在场人场皆大欢喜！

喺啲咁开心嘅日子，又点少得老板娘「洗米嫂」陈慧玲（Heidi）？虽然洗米嫂好低调咁冇现身大合照，但喺佢Instagram就搵到佢张「女杀手」相，几有型㗎！但更吸睛嘅系，佢揽实林家栋影嗰张合照，唔知周老板睇完有咩感想呢？

☞转载授权微信：lama129

☞ 商务QQ：443317765

长按识别二维码关注