乐坛天后谢安琪自今年三月诞下女儿张靖（Karina）后一直深居简出，专心照顾一对子女，搵奶粉钱重任全交由丈夫张继聪。前晚即迎月夜，老公不在身边的谢安琪在社交网分享带同一对仔女参加所住的屋苑举行的中秋派对照片，焦点所在当然是小女主Karina，不过首次去“中秋P”的Karina出巡只有十分钟，要急急回宫！昨日张继聪由佛山赶返香港，就是和太太及子女共度中秋节，认真廿四孝！由于这是Karina首个中秋节，张继聪在家中来个全家福，相中更见他们家中贴满不少子女的照片。

B女开始认人

谢安琪接受东网电话访问时，笑言不想难为女儿，所以见她喊即离开派对，更说怕丑等于聪明！她说：“邻居见到佢都哄埋去话：‘喂！你成个张继聪咁嘅？’佢系怕丑，因为佢开始认人，其实啲人话咁样系聪明㗎！因为佢开始谂嘢识得认人。”

向来爱吃月饼的谢安琪，直言因要减肥而尽量忍口，她说：“当系喺日本超市试食咁用牙签拮住、食一个手指尾咁细。因为坐月时补得太劲，搞到自己系肥宝宝，依家同标准体重争十几磅，唔算远！我肥极都面尖尖，影上半身呃到人！但个肚皮仔要加油，朝朝跑步！（要收身因复工？）生完想重整吓，嚟个乾坤大挪移，借呢个机会认真做运动，人生fit一次！以前我跑两步都脚软，好渣！”

张继聪赞囡囡矝持

虽然谢安琪未收身成功，但原来由产前到产后，一直都有不少商演及广告商以甘词厚币力邀，为凑女至今已推掉至少7位数字的收入，认真肉痛，更言最快要两个月后才正式复工！她说：“日日都有好多（邀请），唔系讲笑！佢哋透过Facebook、email等等渠道，无孔不入send message搵我。价钱比我生B前仲高，可能大家少见咗我，愿意付出好多，有时谂起都肉赤，因为我系咁推。有啲我推咗三四次，佢哋好好，系咁keep住问我几时可以。之前有人搵我影嘢，但唔啱时候，因为喂紧人奶、补身补到胀卜卜，佢哋好体谅。（推咗七位数？）哗！真系有！拍广告嘅话，最快都要一两个月之后。（价高者得？）睇诚意同质素多啲。”

于昨日凌晨五时许赶返香港张继聪，他接受东网电话访问时，对于Karina只现身“中秋P”十分钟，他说：“一定会有生保嘅过程，我觉得ok，女仔有啲矝持系好，唔好边个埋嚟都无任欢迎，男仔可以开朗啲。下次唔使惊，爸爸保护佢！囡囡好黐我，我好冧，终于明白前世情人呢句说话，中秋除咗同老婆浪漫食饭，都要同囡囡庆祝中秋，我都好挂住佢，因为嚟紧呢两个月，都系两部电影叠住，中港两地走，虽然辛苦啲，但都想有抽多啲时间尽量见佢。”

商务合作及授权qq/微信：24502371