马德钟与太太以仁济慈善大使身份出席仁济活动，他透露稍后要回内地横店拍剧，他说：“系一部民初戏，抗日题材，可以做啲好耐冇做过嘅超级大反派，有少少汉奸。（有冇难度？ ）我好多年前都系做反派，今次好开心因为，已经有十年八年冇做反派。（想做的善良嘅角色？ ）之前演过好多，当演员冇特定一样。”

认同ViuTV有机合作

提到ViuTV开播，马德钟称有留意，知道收视不错，认为多竞争多进步，令演员有更多机会，问到会否有合作机会？他直言：“绝对有，每个媒体都有机会，最紧要合唔合适。（有冇接触过你？ ）暂时未有。（有冇睇过？ ）之前喺试台嗰阵有睇过佢哋嘅预告同真人骚。（有冇兴趣做真人骚？ ）啱就OK，内地都有拍过。”

暂未有无綫工作

马德钟称今次会在内地拍戏两个多月，之后可能会接拍另一套戏，至于无綫暂时未有工作，问到是否搵人仔较好？他说：“唔可以咁讲，香港有好角色想接，可以有多啲时间喺香港，令香港人见到我嘅演出。（马太会唔会嚟探班？ ）唔知，可能会，啲期有啲密。”

恭喜陈浩民添丁

谈到曾合作的陈浩民第四度添丁，他说：“恭喜佢，咁开心，我一个就够，已经搞唔掂，囝囝依家18岁，可以甩身，畀佢尝试佢想做嘅嘢。”