就快到圣诞节喇，今年再做妈咪嘅钟嘉欣就将细仔Jared打扮成圣诞老人，而做咗家姐嘅Kelly就着上充满气氛嘅红裙仔，愈大愈靚女，两姊弟仲同爸爸好似样添！

佢哋又一齐影相，其中一张相係Kelly抱住细佬，点知抱唔稳，搞到细佬个身斜埋一边，Jared一面天然呆，真係Cute到晕又搞笑！

嘉欣留言话：「大家好，对不起，我没有活跃在社交媒体上。」因為佢要专心相夫教子，对佢嚟係一次好有挑战性嘅美好体验。

不过大家放心，嘉欣话梁氏家族已经对照顾小朋友上晒手，所以会有会更多时间更新，补祝大家冬至快乐！一班粉丝见到嘉欣咁讲，当然最开心啦，仲话希望佢可以分享多啲一对仔女嘅生活照呀！