方力申會唔會叫阿嬌快點生B呢？

藝人方力申出席香港藝術家李楚洳（Samantha）「天干地支」機械腕錶發布會，方力申父母、「鐘錶大王」孫秉樞等均有捧場。方力申受訪時表示有打算收契仔，即被笑指他連女朋友都沒有，就那麼快收契仔，他說：「就係冇先要收，如果有就結咗婚自己生。」隨即被問到會否叫鍾欣潼（阿嬌）快點生B，那就可以上契？他無奈說：「收契仔通常就人哋搵你上契，唔係我主動去搵人。」問有否跟阿嬌見面？他說：「冇，但都有留意報道。（請你飲？）你問人哋會否請我先，我唔答假設性問題。」

方力申有打算收契仔。

方力申認為就係冇拖拍先要收契仔。

方力申又透露與Samantha從小認識：「我哋係Family Friend，同佢都好有緣，因為佢同我同月同日出世，而且佢又喺我爹哋嘅畫廊開個畫展，好叻女好多才多藝。（咁有冇試吓對親家？ ）人哋啱啱結咗婚。」

為配合節目衰格啲

曾做《美女廚房》主持的方力申，有否留意新一輯《美女廚房》？他說：「我都有睇，個節目好好睇呀！（觀眾口碑麻麻？）佢哋都係播咗第一集，畀啲時間大家，我都唔記得當年我哋第一集口碑好唔好。（你當年都畀人話係賤嘴？ ）我當年做完呢個節目都畀人質疑我嘅衰格，覺得我好賤，有唔少負面報道，都有影響形象，但為咗配合個節目，要做得衰格啲，當年印象都好深入民心。」

方力申與父母。

「鐘錶大王」孫秉樞

方力申同李楚洳係Family Friend。