适度打肉毒杆菌　韩君婷防笑起上嚟好假

已转行从事美容事业的息影艺人韩君婷出席广告首播会，身穿低V裙的她表示这是其公司的产品，自己帮手做代言及拍广告。

讲到产品是肉毒杆菌素，问可有打过？她说：「有！要亲身示范，我好相信公司。（你打咗咩部位？）眉心纹，去眉心皱纹。（效果如何？）好好，打咗几次你哋都唔觉，冇人问。（你仲有冇其他部位都想打改善吓？）好多人都想成块面打，但其实医生话唔好，我都同医生讲好咗，我唔想做到零皱纹，因为咁唔系一个真嘅人，我话眼角位一定要Keep番少少，唔系人哋见到我就会觉得好假，笑起上嚟好假。」

囡囡大整蛊！锺嘉欣大肚搭飞机成面贴纸

艺人锺嘉欣早前宣布怀有第二胎嘅喜讯，并表示会暂时减少工作量专心安胎。呢日锺嘉欣喺社交网上载咗一张同囡囡Kelly嘅新相，相中见佢面上贴满贴纸，Kelly就伸出手仔，唔使讲都知一定系Kelly BB「送」畀妈咪啦！网民都笑Kelly咁样整蛊妈咪，大赞佢好得意，真系非常温馨呀！

嘉欣仲趁住三八妇女节，祝所有女士们开开心心。不过就有眼利嘅网民留意到相中嘅背景疑似系机舱，问嘉欣系咪再带Kelly嚟香港，亦提醒佢大肚婆搭飞机要注意安全呀！

基仔《爱与诚》MV女主角竟然系佢

唔少网民都锺意翻Loop歌手昔日嘅MV作回顾，除咗讨论歌手嘅唱功之外，另一亮点莫过于艺人当年嘅样貌同造型！而呢日就轮到古巨基（基仔）嘅经典金曲《爱与诚》，相信唔少人都一定识唱「做只猫～做只狗～不做情人！」啦，但系大家又有冇印象呢个MV嘅女主角系边个呢？竟然就系早年两度夺视后嘅胡定欣。

话说呢日胡定欣喺社交网上载咗两张同古巨基及林峯嘅合照，留言预祝基仔演唱会成功，同时仲话好耐冇见，对上一次合作就系拍《爱与诚》MV。时光飞逝，数数手指，两只手都数唔晒，原来至今已经相隔14年！唔少网友话呢首歌真系好经典，仲即刻Post番个MV出嚟回顾，个个都话所有回忆返晒嚟！

14年前嘅胡定欣眉清目秀，仲扎住当年流行嘅「公主辫」，非常之Young！基本上除咗发型之外都冇咩变过，靓样冇走样，依旧保养得宜，网民仲赞佢愈来愈有女人味添！至于演技方面，14年前嘅胡定欣都唔弱，虽然唔多空间发挥，加上拍摄嘅系MV，所以对白唔多，净系得最尾嘅「咁一分钟之后呢？」，但系凭住嬲怒、伤感同甜蜜眼神，足够冧爆粉丝们，仲话偶像多年嚟语气同态度都冇变过，十年如一日！

演艺人协会春茗　惠英红力撑会长古天乐

演艺人协会会长古天乐昨晚拉队于其食肆举行替春茗晚宴，现场筵开五席，星光熠熠，不少艺人出席，更有不少饮到脸红红，相当热闹。出席的艺人包括任达华、曾志伟、林家栋、惠英红、黎瑞恩、林峯、古巨基、胡定欣、薛家燕、宣萱、张敬轩、薛凯琪、方中信、导演刘伟强、莫文蔚、方力申等等。

演艺人协会现时年青化，大家都很开心，会长古天乐又叫新人逐一出来自我介绍，由于古天乐表示会助歌手出唱碟，故现场都有不少歌手出现。而惠英红接受访问时被问到是否来支持新任主席古天乐时，她谓：「都系嘅！同埋嚟见啲好朋友，好似肥妈、薛家燕咁，我哋成日见，好开心。」早前古天乐表示演艺人协会会尽力帮助一些有经济需要的前辈电影人，对此惠英红亦大表支持。

撇师兄独游似单身　祖儿避谈感情事

天后容祖儿和何超莲齐齐出席「Smile with Us HK一起微笑」活动，台上两人以手语介绍自己的名，而大会播出祖儿的歌曲《世上只有》由一班小学生以手语表达歌词。

祖儿农历新年都不在香港，讲到新年之旅？祖儿说：「ok啦，成个月都唔喺香港，真系好耐冇试过一个人喺英国，有一两日自己行，好享受独游嘅乐趣。」原来祖儿新年期间分别到了英国、澳洲、成都及北京，都是半工作状态，因英国是去fashion show，澳洲是和克勤开演唱会，之后北京是做春晚节目演出及录像，逗留最长日子是北京。

讲到独行旅游男友刘浩龙（师兄）冇影，似过单身生活？祖儿大呼：「咩喎！（你情人节都冇一齐过喎？）哎呀，系咩，唔会讲㗎喇呢啲嘢，今日系三八妇女节咁开心嘅日子。（ 咁会唔会补番数？）补咩？派利是？」问到师兄演唱会可会去撑场？祖儿点头说：「嗯！（即系去定唔去？）一定支持。」

请大家踊跃留言，也欢迎大家转发到朋友圈哦！

▲点击图片，阅读往期精彩

▲点击图片，阅读往期精彩

☞转载授权微信：lama129 ☞ 商务QQ：3004269083

长按识别二维码关注