艺人邓丽欣（Stephy）、陈凯琳（Grace）、邓月平、游学修及林耀声，到尖沙咀出席由网络小说作家薛可正执导的新片开镜拜神仪式。

Stephy与Grace戏中饰演两姊妹，Stephy说：“我要减磅先得，试造型嗰日见到Grace，如果我唔减，企埋佢侧边就好似个巨人！套戏有啲街头追逐戏，8月拍都几考耐力，之前我喺街行15分钟，都有啲中暑头晕，真系要拍都冇话有啲咩特别措施，惟有饮多啲水啰。”

讲到旧爱方力申在ViuTV节目，重提二人当年拍拖去旅行，感觉好似偷食，Stephy说：“咩话？好似啫，吓死我！其实之前上王祖蓝、李亚男个节目都讲过呢件事。

（唔锺意佢又再提起？）因为今次我冇睇，所以冇话有咩特别感觉，唔知呀！（点样形容依家关系？）朋友啰，我唔知呀，其实呢种感觉都几奇怪，几难形容，冇咩特别，跟住落嚟想专注番工作，唔好提得太多。”

Grace在新片演拜金女，她不怕被观众误会现实中也拜金，她说：“其实做戏就系希望有多啲新尝试，呢个角色同我以前做嘅好唔同，我都好期待，第一次拍戏我都好紧张，但我哋有围读剧本，都知道个方向系点样，听到Stephy话想减磅，其实我都可以增肥！”