无线艺员林子善今晚与太太董佩欣（Kary）举行婚宴，子善与Kary拍拖五年，早于去年10月两人已经签字注册，不过等了半年才举行婚礼，今早穿上紫红色礼服的新郎哥在9个兄弟陪伴下，浩浩荡荡出发到酒店接新娘子！

当中反串做兄弟、唯一女将唐诗咏就上载咗兄弟团嘅Chok爆照去社交网，见佢哋一行十人摆晒甫士，众人都戴上黑超型到爆，一副志在必得嘅表情大合照，而其他兄弟仲有郑嘉颖、马国明、黄嘉乐、黄长兴、袁伟豪等，呢个型男卡士都咪话唔煞食，到时实电晕班姊妹团啦！今次做兄弟嘅诗咏又大晒玩新郎用到嘅「道具」Wasabi加咸竹蜂饼干，真系见到都惊，不过诗咏似乎就冇乜所谓，仲大爆今次做兄弟好爽，唔使早起身添：「#做兄弟系爽嘅 #唔使早起身 #净系Chok就得喇」

之后诗咏仲上载一对新人嘅咀嘴相添，真系够晒Sweet！

艺人陈炜在昨晚播出的一集无线剧《果栏中的江湖大嫂》有性感演出！话说呢一幕陈炜突然在洗手间换上吊带睡裙，原本一出到厅打算色诱袁文杰，惟袁文杰早已饮醉酒，叫极佢都冇反应，最后感到非常失望，简直系暴殄天物。虽然陈炜现年已经44岁，但魅力依旧，愈嚟愈有女人味！

最近日日阳光普照，好多女艺人已经忍唔住去沙滩同阳光玩游戏。今日无线咪神黄文意（Mandy）喺社交网晒出多张三点式泳照，见到佢喺沙滩度摆出多个甫士留倩影，又趴喺度摆出多个卖萌样，兼大晒深长事业线，震撼力极为强劲！Mandy仲话：「我唔识游水㗎！但我识嬉水囉！只限于0.9M嘅范围！」呢辑相令唔少男士晕晒大浪，网民仲问Mandy啲相咁靓、系边个操刀先？亦有人搞笑话愿意做佢嘅摄影师添。

台湾歌手潘玮柏近日被爆有新恋情，有指对象系上海一间航空公司嘅空姐，随即就被网民火速起底！有指潘玮柏新欢系内地空姐网红Luna Xuan，潘玮柏经一位上海友人介绍而认识对方，二人挞着后火速同居，现时住喺台北市大直一间豪宅。两人早前已在社交网泄蜜，分别上载钞票枪相片，亦有指齐晒同款红色行李箱，炫富又晒恩爱！Luna Xuan不时亦会在社交网上晒靓靓自拍及水着。不过华纳音乐对于旗下艺人潘玮柏嘅新恋情就不作回应。

现年47岁嘅女星钟丽缇（Christy）之前就透露唔排除为老公张伦硕追番个小朋友，呢日台湾男星林志颖嘅太太陈若仪（Kelly）就喺社交网甫出Christy同一对孖仔Jenson、Kyson玩嘅相，Kelly仲透露两个囝囝都好钟意Christy添！Kelly留言：「谢谢Christy阿姨来看我们陪我们玩，双子星玩得好开心，宝贝们都好喜欢 @钟丽缇Christy 阿姨 #人美心善 #永远的美人鱼女神」

相中见Christy好有耐性咁趴喺地同一对孖仔玩英文字玩具，真系好有爱。另一张相就见到两个靓妈都身穿悠闲装，Christy更以素颜上阵，见佢哋四个都笑晒口，睇嚟真系玩得好开心㖞。Christy亦有留言表示好开心，仲话下次会带埋两个囡囡去探佢哋，佢留言：「Christy阿姨好开心好开心，可以跟你一起玩，你们太可爱了，下一次我会带Jaden和Cayla姐姐来台湾，我相信Kimi哥哥也蛮想他们。爱你哦！」唔少网民都话完全睇唔出Christy已经年过40，仲有人问佢系咪去揾Kelly请教生仔秘笈添！

容祖儿与刘浩龙（师兄）拍拖5年，男尊女卑一直不被看好，最近更传出分讯，有指是为了难得可以开演唱会的师兄造势，不过新一期《东周刊》报道，二人多年来因为「贫富悬殊」，经常产生摩擦，虽然祖儿想过同师兄结婚，但男方事业没起色，所以早于半年前，祖儿主动提出分手。

据知，师兄在拍拖时经常到祖儿位于司徒拔道的松柏新村作客，为免触景生情，一直希望在浅水湾买楼的祖儿，最近下家决心，豪掷两亿买入浅水湾独立屋自住。近期，祖儿出席公开场合心情大好，加上又快要搬入靓靓豪宅重拾心情，看来师兄翻挞无望了。

另外，祖儿与妈妈余金凤共同持有8间公司，由07年起不断入市扫砖头，并以豪宅为主，及买舖位，至今祖儿手上持有10个物业，加加埋埋市值近6亿！

拥有骄人身材的模特儿姚紫茵（Bonnie）日前到北海道旅行，出发前因当地刮暴风雪令不少航班要取消，幸好最后Bonnie仍顺利成行，不过在当地果然仍有风雪：「我哋晚上驾车上二世古时好大雪，沿途都系山路，我另外有朋友都喺北海道滑紧雪，佢哋就系喺暴风雪嗰几日撞车！大雪到连路都睇唔到又冇街灯，我哋都真系惊惊地！之后一日滑雪时都好大风，喺山上风大到好似比风推落山咁，我要慢慢咁八字脚死撑落嚟，第一次感觉自己咁轻竟然被风吹得走！落返嚟之后都唔敢再上去滑，惊危险惊毁容！」戴上青蛙帽的Bonnie自夸造型突出，加上她仆低多次，全滑雪场的人都认得她，到第二日她换上长颈鹿帽，仍然有人问她青蛙帽在哪里，相当搞笑！

滑雪滑到双脚攰爆又酸痛，当然要浸温泉，Bonnie更是第一次全裸浸露天温泉！她说：「喺雪地浸温泉好有无拘无束嘅感觉！影咗好多相，之后发现有部份相露点，仲性感过我写真集嘅相！谂紧会唔会用公仔遮住再post，但遮住咗就冇意思，可能都系留番等有男友同佢分享。」

王贤志（Vinci）、何猷启、蔡加怡、翁嘉穗等出席东华三院董事局交代就职典礼，新任主席Vinci得到父母、妹妹、妹夫及另一半Kevin到场支持，当大家恭贺新主席时，他要大家叫Vinci而不要叫主席，因Vinci特别一点、只有一个，但主席就有很多不同的主席。

Vinci不单止打亲民牌，更瞓身做好主席，他表示东华三院已订下工作发展，最希望做到的是有更多宣传空间，让大家更了解慈善机构的运作，过两天还会正式将办公室移师到东华三院。他续透露有别以往的主席，特别要求加设衣柜，以方便装身出席不同活动，因每年有可能要参与逾400个活动。他还透露即将为慈善粤剧粉墨登场，对他而言今年最重要是身体健康，因有精神才能应付繁重工作。

担任总理的何猷启亦得到妈妈陈婉珍和家姐何超莲同行支持，不过何太就不接受访问，猷启被问到婚期即拉开话题称：「我好肚饿，这些迟吓再讲。」

此外，首度出任总理的翁嘉穗获丈夫邬友正及大仔Jason陪同，问到丈夫是否全力支持？她笑笑口说：「今日已经系身体力行支持。（捐钱支持？）为善最乐嘛！」提到Jason是举重名将，她亦称儿子的确有很多粉丝，以女仔居多。她又透露有很多叔父问儿子如何年纪轻轻就这么高大，提到儿子快将到外地升学，她又直言不舍得。

艺人林盛斌（Bob）同老婆Pearl婚后育有四名仔女，向来锡仔女锡到㶶嘅佢，无论工作后回家几咁辛苦，点都会留最后一口气同仔女享受亲子乐时光。呢日Bob喺社交网上载咗同三个爱女玩骑牛牛嘅短片，并留言：「㖊（寻）晚佢哋喺YouTube睇到条片，跟住话要一模一样做一次..........我试过拒绝嘅，不过唔成功。」片中三个女排队等候玩呢部「人肉牛牛机」，最好笑系好似游戏中心咁，要畀钱先可以玩㗎！在旁笑到停唔到嘅Pearl就负责收钱，大家唔好误会，只系大富翁嘅假钱！唔少网民大赞Bob系个好爸爸，仲话呢个爸爸真系唔易做呀！

女星赵薇最近行踪低调，日前佢就出席「香港电影导演会周年晚宴暨年度颁奖礼」，低调撑导演好友，但就冇接受访问。

赵薇喺ig上载近照，见佢一头散发，充满凌乱美，眼大大嘅佢，加上一个无辜眼神，真系劲煞食！不过呢，靓样唔系呢张相嘅重点，重点落在佢只手度呀！佢一招「靓女索手」pose，一只「肉手」劲抢镜，手指圆圆咁，劲有福气，网友都留言话：「手真好看，珠圆玉润。」