《使徒行者2》周柏豪音乐微电影

不过外界对周柏豪加入TVB及星梦也是意见两极，更有人预视柏豪将会是今年TVB所有颁奖礼的大赢家，并对此感到不满，柏豪似乎也有不少心底话要为「颁奖典礼」平反。

入星梦就代表叱咤没奖拿？

从过去几年观察所得，签约星梦的歌手往往也会在TVB年尾的《劲歌金曲颁奖典礼》频繁得奖，成为大赢家，反而在其他电台举办的颁奖礼则像是陪跑，尤其是商台的《叱咤乐坛流行榜颁奖典礼》更是少有星梦歌手得奖甚至获邀出席。

不过柏豪过去多年也是叱咤的常客，到底他又是否担心今年颁奖礼的得奖情况有所变化？柏豪坦言：

老实讲，其实我真系无乜研究个播放率可唔可以去到颁奖礼，我亦无去研究今年自己可唔可以攞到奖。其实许廷铿喺星梦嘅时候，佢一样横扫叱咤嘅奖项，有十大、有新人金、有男歌手奖；吴业坤同欣宜都系TVB嘅人，都攞金奖啦。我唔觉得入星梦就代表去唔到叱咤，可能大家会唔认同某啲乐坛嘅规则同做法，但我去睇，TVB嘅平台其实好大，而头先所讲嘅问题，只系网民嘅意见。

周柏豪今年加入星梦，不过并不担心会影响来年能否出席叱咤颁奖礼。

做星梦歌手就可以拿「亚太区最受欢迎男歌星」？

签约星梦兼做《使徒行者2》男主角，所有人也一致认为周柏豪将是今年TVB的大赢家，他也毫不避嫌的正面回应：

好坦白讲，如果我经理人公司StarzPeople搞个颁奖典礼，我一定系攞金奖啰，因为我系我公司㗎嘛。如果将军澳搞个《最受欢迎男歌手颁奖典礼》，我一定系啦！因为我住将军澳㗎嘛。

个游戏就系咁行，我同佢（TVB）Friend啲，佢自然就听多咗我嘅歌㗎啦，听多咗就会认识我多咗，咁认识我多咗自然就会播多啲，好顺理成章。调返转，个台唔认识你，完全唔播你嘅歌，咁你又点可以去到颁奖典礼呢？所以唔好话签咗TVB，亚太区男歌手就一定系我，如果我有咁嘅能力去攞，我唔介意我攞㗎。

见到柏豪的人气这么旺，品牌越来越成功，月饼广告又有他份，其实他取亚太区男歌手，应该都没什么人会反对的！

《到此为止》没奖拿，不代表不是好歌

对于周柏豪的乐坛生涯，不少人会认为他是顺风顺水，甚至得奖也是全靠人气，他对此表示感恩之余，也坦言得奖不是乐坛的一切：

好幸福好幸运地，有好多奖项我之前已经一一达成愿望，梦想成真。攞奖系好开心嘅事，不过质素更加重要，其实好多好好质素嘅歌都冇奖攞，例如《到此为止》喺某个电台（叱咤）都攞唔到任何奖项，有好多人都觉得好奇怪，系咪就代表嗰只歌得唔到佢应得嘅嘢？

我觉得又唔系，起码好多歌迷听到《到此为止》嗰两下钢琴声就识得嗌出嚟，证明到首歌喺歌迷心目中嘅地位。攞奖系好重要，因为媒体肯定咗首歌系符合佢哋个电台嘅口味，所以佢哋会播多啲，因此有奖。我好老实讲我都钟锺意攞奖，不过就算攞唔到，亦唔代表首歌唔好呀。

《到此为止》在叱咤上没能得奖，柏豪也以此为例，道出所谓颁奖礼的游戏规则。

周柏豪怎么看乐坛颁奖礼奖项？

对周柏豪来说，似乎要得到的奖项，他全都到手了，不过自言喜欢拿奖的他，到底奖项对他又是什么一回事？他禁不着大文豪上身：

其实唔同奖项，都只系唔同名啫，首先大家又唔需要睇到好似喺你屋企攞咗一样嘢咁严重。

奖项就好似成绩表上面嘅白兔仔印咁，我有，大家唔需要话我点解有，单纯代表一个歌手嘅努力，你喜欢呢个歌手，你咪拍下掌啰。你唔喜欢佢嘅，你可以听其他歌手。音乐系好主观，冇得客观去睇，颁奖亦都系。个台觉得嗰个歌手好啲就颁畀佢，但你觉得另一个歌手好啲，个台又未必觉得㖞，所以咪唔颁畀嗰个人啰，个游戏就系咁玩。

柏豪坦言，一个歌手能否在年尾拿奖，决定性因素在于与媒体的关系。

乐坛给「游戏规则」扭曲？

提及「颁奖典礼」这话题，周柏豪似乎相当着迷，更表示这个题目「好有趣」，但到底刚才多次提及颁奖典礼像是「游戏」的他，又是否觉得乐坛已被所谓的「游戏规则」玩坏了？他平反：

其实冇扭曲过，由Beyond年代开始个规则已经系咁。因为颁奖礼系一个Show，佢唔系田径比赛，佢冇得客观㗎，佢唔系因为首歌好唔好听而颁奖，佢系因为个台认唔认受而颁奖。跑步比赛边个跑得快，可以根据实际数据，边个时间短就赢。

颁奖典礼系颁奖，即系由我手上畀你，呢啲叫做颁，咁点解会由我手上畀你呀？因为我认同你啰。但比赛唔系㗎，如果比赛完颁奖嗰下，大会唔钟意跑得最快嗰个选手，都要颁畀佢，咁样先叫做比赛。颁奖典礼本身系根据一个台嘅喜好而分一啲嘢畀人，我好坦白同大家讲，其实系分奖㗎，系一个配给嘅游戏，当入行耐咗嘅时候，我哋就要分清楚，咩叫颁奖典礼，咩叫奥运。

柏豪入行已经10周年，他大文豪上身：

「入行耐咗，要分清楚咩叫颁奖礼，咩叫奥运。」

（文章来源：香港八叔）

-END-