近年TVB套套剧都系起用嗰几位小生花旦，令人无限怀念以前百花齐放嘅局面，其中一位绝对系陈法拉。

法拉05年入行后拍剧机会不断，好快升上一线之位，约满后佢喺2014年只身到纽约修读四年戏剧硕士课程，不时趁放假返香港出活动拍广告等。

佢法拉最近喺美国拍摄广告时透露即将完成课程啦！咁咪好快可以再睇到佢演出？

3月初法拉快闪返港四日拍摄两个广告，返到美国一样继续喺课余时间兼职搵外快，佢喺纽约拍摄广告，先后到达Flatiron、Soho及Herald Square地铁站等当地多个著名地标，法拉更碌尽友情咭借豪宅拍摄：「问好好嘅朋友借咗间靓屋俾我地，好现代又好有外国风格，去到朋友屋企我都哗一声，好多谢佢借间屋俾我地！」

除咗工作，法拉依家全心投入戏剧硕士课程毕业习作：「就嚟望到家乡啦，最近筹备学校最后一个showcase，毕业班每个人演一段戏，4月会上演，毕业前最后一个作品，好快好快好快就嚟毕业啦。」

完成课程后，法拉话会会先休息一下，更希望有机会可畅游南极，观赏企鹅同色彩缤纷嘅极光。休息够养精蓄锐就可以再次投入演艺工作啦，唔知回归作会系剧集定电影呢？

（文章来源：HKChannel）

以前有个人看完最广州文章点了个赞
然后TA就发财有对象了！
の
-END-