艺人何佩瑜（Jeana）、郑欣宜、雨侨及连诗雅等下午云集中环，为网剧《性敢中环》开工。Jeana与欣宜孖住受访，谈到剧中难忘场面，欣宜笑谓：“我献出咗萤幕最激嘅一次床戏。（同边个？）人夫邓健泓，我都好期待同佢合作，觉得佢好生鬼，大家产生到化学作用。（好性感？）冇谂过露嘅都露咗，张被畀人扯开。”她又笑言自己是“动作演员”：“可能我中文唔好，所以文戏唔得，反而‘动作戏’1 take起2 take止！”

Jeana封胸晒脚

至于Jeana则“封胸”现身，问到是否签约英皇后改路线，她笑谓：“今日都有脚睇，夏天呀，有雀斑。（有冇亲热戏？）同栢天男咀，事前佢有啲紧张，所以同佢倾吓偈，轻松吓先。”此时欣宜闻言笑说：“当年拍MV我都同佢咀过，不过最终个shot冇出到！（食唔少‘好嘢’喎，最想再同边个拍先？）金城武，呢个型男横跨过几个年代，系坚嘅男神！”