颁奖礼前瞻 －多得好角色 呢批艺人成功弹起
本文转自网络 不代表本号观点
2017年有多位艺人凭剧集角色成功弹起，大家未必记得剧集内容，但佢地嘅角色一定令人印象深刻。等我地同大家睇下今年到底边个系抢眼配角呢？
林淑敏 －《爱·回家之开心速递》龙力莲
《爱·回家之开心速递》中嘅大小姐龙力莲（林淑敏饰）系龙家千金、威龙百货高层，脾气暴躁、天生黑面神，成日都闹佢秘书Mandy同其他同事，但钟情于宋瑞辉（许家杰饰）。大小姐一角虽然成日闹人，但观众并唔讨厌，反而觉得佢霸气得嚟又好搞笑，更加系今届最佳女配角大热。
袁文杰 － 《不懂撒娇的女人》游俊杰
亚视出身嘅袁文杰系剧中饰演老细游生，非常霸气，剧中佢有几场游水嘅戏份，身型保持得非常好，完全唔似45岁嘅中年大叔，吸引唔少观众讨论。
唐文龙 － 《溏心风暴3》郑立安Nic
好耐冇喺无线剧集出现嘅唐文龙，最为人记得一定系佢喺《十月初五的月光》中饰演古惑仔金胜一角。剧中饰演嘅阿Nic，一出场系一个外表斯斯文文又顾家嘅型佬教授，后来背妻偷食，同黄以爱（陈敏之饰）发展婚外情变成贱男。虽然角色唔讨好，不过仍然深得观众喜爱，令佢工作量激增，人气急升。
胡鸿钧 －《降魔的》石敢当
剧集《降魔的》令饰演石敢当嘅胡鸿钧人气急升，除咗佢有全裸演出外，与马国明嘅兄弟情、与谢雪心嘅母子情更令人感动。
何远东 －《降魔的》龙茂
何远东喺剧中饰演的士司机龙茂（龙猫），系个顾家好男人。可惜遇着有人高空堕楼而意外被压死于车内。小马用灵术帮佢喺梦中再现同老婆仔女道别，之后佢与些粉隔空倾偈、又偷偷去见下一班朋友，听到班朋友讲自己时啲眼泪喺眼眶入面而唔流出嚟，唔少观众都俾佢超水准演出搞到眼湿湿。
欧瑞伟 －《同盟》易兆风
欧瑞伟饰演嘅易兆风系令熊（鲍起静饰)）私人助理及保镳，身手惊人而且枪法又准，成个港版007咁。易先生无时无刻都企喺令熊背后，帮佢打点一切及确保令熊安全。又型又打得，系KC 以外又一入屋角色。
张振朗 － 《踩过界》谷一夏
张振朗喺《踩过界》中饰演谷一夏（GoGo） 系个性爽朗好动嘅私家侦探，经常骑着电自行车查案。剧中同王浩信段HeHe情非常吸睛，二人一齐住一齐生活，不时打情骂俏十足情侣一样，张振朗剧中表现掳获不少网民赞赏。
姚莹莹 － 《全职没女》罗丽芝
姚莹莹喺《全职没女》中饰演一个粗鲁、麻甩嘅男人婆罗丽芝。除咗要素颜示人外，成日咬住枝牙签、讲野又粗鲁，仲要戙起只脚坐，真系成个麻甩佬咁。
何广沛 － 《超时空男臣》李小冬
《超时空男臣》中饰演太监李小冬嘅何广沛，同袁崇焕（萧正楠饰）及左光斗（曹永廉饰）意外穿越时空去到现代，剧中佢经常被二小姐朱晨丽调戏，怕怕丑丑咁，演技备受赞赏。
余德丞 －《夸世代》尚浩洋Ocean
《夸世代》中饰演尚家独孙尚浩洋Ocean嘅余德丞（Dickson），系剧中有多场游水戏份，露出42吋强劲胸肌，再加上Fit爆身材及讨好外形，睇到一班女士好开心。
何浩文 － 《赌城群英会》潇洒哥
曾演出电影《鸭王》嘅何浩文(Dominic)，一直俾人称呼做鸭王，但自从拍摄《赌城群英会》后，潇洒哥角色已经成功入屋。
---------------------------------
商务合作QQ：2063871309
最新最快最全：关注订阅号tvbdrama，回复你想要的
（长按下图识别二维码即可轻松关注）
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
