香港乐坛其实有不少妈妈级歌手，虽然已为人母并相夫教子，但并未有把歌手事业放下。但贵为「宝丽金四小花」的汤宝如（汤记），自2007年与男友陈德民诞下儿子后便少有在乐坛出现，汤记表示：
其实我咁多年都无停过，多咗出外登台。我用呢段时间修读犯罪心理学课程，我又学整蛋糕，仲有画画。我当年中学毕业后，就边读师范边教书，之后就已经成为歌手。我已经将自己二十几岁最黄金嘅时间放喺歌唱事业上面。我其实想读大学，想学得更多。我想多啲时间陪住仔仔成长。
「宝丽金四小花」汤宝如在隐退香港乐坛后修读犯罪心理学课程。
对于香港唱片业表示越来越差，汤记为唱片业成为时代巨轮下的牺牲品感到惋惜：
近年会出碟嘅歌手愈来愈少。佢哋多以单曲为先，当然唔计Eason（陈奕迅），周杰伦呢个级数歌手啦。
我觉得依家香港会真金白银买碟嘅人多数系我呢个年纪嘅人，点解《流行经典50年》会成为大家讨论嘅话题，系因为睇呢个节目唔一定系上咗年纪嘅人，佢照顾到老中青嘅需要。可况80，90年代系香港唱片业最鼎盛嘅年代，当年卡拉OK大行其道，当时边个歌手一出唱片啲人都争住买。除咗歌手，连当时做唱片宣传的工作人员年尾都会出18个月粮。
汤记坦言香港乐坛暂时后继无人，来来去去只有陈奕迅及容祖儿拿奖。
掀起「怀念潮」让她受惠
自《流行经典50年》播出后，不少人常把以前的歌比现在的好挂在嘴边。谈到现时乐坛景况，汤记坦言后继无人，没有一位得到大家认同的巨星级歌手接棒：
香港乐坛长期处于真空期。乐坛来来去去只有陈奕迅及容祖儿，颁奖礼只有佢哋攞奖。你话死唔死？但以前真系唔同，就算只系一间唱片公司内都会有好大嘅竞争。
香港近年随着掀起一股「怀念潮」、「回忆潮」，汤记认为这股热潮让她受惠：
以前虽然唱片卖得，但当年我哋呢啲中间位置嘅歌手想开演唱会真系谂都无得谂，排队都未到我哋，只可以做佢哋（一线歌手）嘅嘉宾。反而依家老咗多咗好多机会。其实系好开心嘅，始终都会有一班人好支持旧歌。
汤记将于今年11月15日于九展举行《独爱音乐25周年演唱会》。
今年入行25周年
今年对于汤记来说是一个值得纪念的年份，因为2017年是她入行25周年。她将于今年11月15日于九展举行《独爱音乐25周年演唱会》。
汤宝如近年因主持电视台节目《流行经典50年》已频频曝光，其实举行25周年演唱会，并非在她今年的计划之内：
其实我自己好似都好多年无喺香港（乐坛）出现过，所以今年系想出EP。但年头嘅时候TVB就搵咗我做4集《流行经典50强》，点知做完4集反应好好，一直加集数到依家都仲做紧。
当其时我都唔醒起自己已经25周年，到后来公司提醒我，觉得我25周年如果唔开骚会嘥咗，所以先开始搵场地。不过搵场地嘅时候我一路都系排waiting list，当时心态顺其自然，如果25周年做唔到咪等2018年。结果呢件事到5月才落实。
汤宝如参加第九届新秀歌唱大赛而签约宝丽金唱片。问到她是否请来昔日宝丽金天王天后当演唱会嘉宾，她表示：
细V（黎瑞恩）一定会预佢啦，仲有会请嚟靓仔东东（陈晓东）。我同细V一向都好老友，至于东东我曾经喺宝丽金演唱会同佢合唱过《相思风雨中》，不过今次未必唱呢首，会同佢玩新嘢。
自汤宝如复出香港乐坛后，曾于今年推出新歌《独爱》，对于快要开演唱会的汤记来说，只有一首新歌是一件可惜的事情：
我原本系今年年尾出碟，但我又要登台，又要拍摄电视台节目，我真系无时间录歌。而我嘅音乐制作班底又唔系只系做我一个嘅歌，监制舒文嘅期都好爆，所以我真系无办法。今年我真系出唔到碟，我谂最快都要农历年后。
摄影：张浩维
撰文：史顺宜
推荐
如果深入交流，请加八叔私人微信hkhk27 ,
微博：@八卦香港
合作：
WhatsApp：9404 6815
QQ：2212341880
八叔
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
