退选港姐Mandy晒巨钻宣布结婚

曾面试《2015香港小姐竞选》、「弗版杨洛婷」之称嘅Mandy，当年一亮相即惊为天人，样貌与身材都无得输，被喻为高质佳丽，可惜最终因为面对太大压力而退选。不过佢有好消息话畀大家听，佢要结婚嘞。Mandy喺社交网公布喜讯，见到佢喺浸紧风吕期间，男友拿出戒指向佢求婚嘅相片，着住三点式泳衣嘅佢开心到双手掩嘴，仲晒出一只好大粒、好闪嘅钻石戒指，真系好幸福呀，Mandy仲用英文留言表示「男友系佢另一个自己，大家有相同价值观、兴趣和性格，仲话要学习点样去做一个好妻子。」相片中仲见到佢哋喺雪山下、铁塔下咀嘴，真系爱意满泻。

梦想成真！岑丽香去米兰睇骚：成个小妹妹咁

艺人岑丽香（香香）出席护肤品品牌活动，佢话啱啱米兰返嚟香港：「去咗五日，我系第一次去，我大学第一个学位喺读时装，嗰阵十几岁好想去，终于梦想成真，仲要睇骚坐第一排。当我知道可以去睇骚，真系好期待，去到觉得自己成个小妹妹咁，梦想成真，大开眼界。」

问到佢有冇带定多几套战衣去睇骚？她说：「品牌嗰边会有衫提供，都有影相畀老公睇。」咁有冇买嘢买到破产？她笑言：「咁又无破产，有落手。（买畀老公定自己？）两样都有，但买畀自己多少少。（买咩？）衫同手袋，嗰边价钱抵少少，作为一个负责任嘅消费者，我系会格价。」

香香话咗买嘢之外，今次食意大利菜都食到惊：「食咗唔同嘅Pizza。（有无肥到？）有少少呀，但啲人话唔会即刻肥。我哋去到当地嘅最后一日，夜晚嗰阵都有特登搵番中菜食，我哋叫咗个鲜虾蒸饺，但佢系用烧卖嘅皮，入面有啲虾咁。（食嫌咗Pizza？）我谂我要隔一排先可以再食。」

从未庆祝！陈慧琳闻结婚10周年劲惊讶

歌手陈慧琳（Kelly）以「十一良心消费运动」大使身份在尖沙咀出席活动启动礼。Kelly将结婚十周年，问到她怎样庆祝？完全忘记周年纪念的她惊讶说：「十年？十年喇？咁要庆祝吓喇。（唔相信咁耐仲觉得新婚紧？）都系㗎，好怕丑添，ok嘅感觉都系甜蜜。」Kelly又自爆过去也从未庆祝过结婚周年笑说：「我哋呢对夫妻太懒喇。」

分享保鲜秘诀

问到婚姻如何保鲜，她表示：「互相尊重，唔好嗌交囉，想闹人嘅时候就闪开冷静咗先，因为怒气冲冲都会乱噏一啲伤害人嘅嘢。（老公凼番你先？）互相，有时冷静咗几日，大家都忍唔住笑，笑番就冇事啦。（老公会唔会有惊喜？）唔会啦，记番起上年有朋友提起过，我哋都话唔会搞喇，或者自己喺屋企搞得啦，同小朋友一齐庆祝。」

同仔仔一齐整Pizza

此外，Kelly笑言带备现金准备到现场的社企扫货，亦认为可以出力帮助单亲家庭自力更生，Kelly说：「自己都学紧整面包，虽然第一次失败，整出嚟好似石头咁，但系都会慢慢上网研究吓。同啲仔就一齐整Pizza，佢哋锺意食，有人教所以成功。」

谢芷伦被消失！网民担心离开《爱．回家》

处境剧《爱．回家之开心速递》好评如潮，其中饰演「Mandy」嘅谢芷伦（Jan）同马贯东嘅感情线亦深受观众喜爱。不过，日前剧组出席活动时，有网民就留意到台上嘅布景板唔见有Jan嘅身影，相反，除了「熊氏」一族如吕慧仪、许家杰等角色「板上有人」，马贯东自己一人都有份，咁点解系Jan冇咗呢？网民都即刻纷纷喺讨论区留言戥Jan唔抵，觉得应该加番佢落宣传照，更有人表示惊Jan系准备离开剧组而「被消失」！

虽然网民反应热烈，不过Jan心情就未有受到影响，佢仲喺社交网大晒当日活动花絮相，仲留言分享同台下观众互动嘅趣事：「话说当天有个小女孩好喜欢我条裙，话系公主裙，要爸爸买畀她。」

爆阿女嫌弃黄贯中！朱茵拍真人骚原因系…

女星朱茵到铜锣湾出席主演惊栗片《古宅》首映，老公黄贯中亦前来捧场，恩爱到爆。问到朱茵是否因为恐怖片所以没有带女儿黄莺睇首映？她说：「佢今日见到啲飞，都问我有冇佢份，我话冇你份呀，因为你系小朋友囉。」

再生多个？

朱茵指女儿最爱吃醋笑说：「如果畀佢知道喺戏里面做人哋阿妈，佢会好大打击，平时抱人哋啲BB都唔得，佢睇过我啲综艺节目，觉得我畀人虾，佢喊咗出嚟，惊影响佢弱小心灵。（生多个陪佢？）呢啲睇天意、缘分，发觉所有计划都系冇计划，随缘啦。」

囡囡同爸爸关系转好

讲到早前他们一家三口拍摄内地真人骚节目，但有指播映受阻要延期，她说：「唔清楚几时播，我哋都好期待上映，好想睇我老公点样凑女，觉得好有趣。（传一千万酬劳？）呢啲你问番公司，无论几多钱都好，我觉得系好难得嘅纪念，其实拍之前爸爸同个女关系未有依家咁好，佢会畀个女嫌弃，但自从拍完真人骚，佢睇到爸爸嘅伟大，就好信任爸爸，同埋有乜好得过凑女、成长过程有成队team全程拍住呢，我觉得呢个系我哋好重要嘅memory。（有人觉得节目消费小朋友？）我只可以话好期待去睇，其他就唔系我可以答到任何嘢。」

吴卓羲内地剧拍咗6年冇得播

近年不少内地剧及综艺节目风靡全国，日前有内地媒体指每年共有约15,000集的内地剧集出产，但指电视台每年只能播出约8,000集的剧集作品，导致产能过剩，有大量剧集未能如期播放，变成仓底货。同时，网上亦流出一份列出疑滞播剧集的名单，有指由艺人吴卓羲与内地女星唐嫣主演的剧集《格子间女人》，已存放高达6年仍未播出。除此之外，大批影视红星，包括秦岚、刘涛、刘诗诗、关晓彤等都仍有拍完的剧集等待播放，亦有传部分剧集为求回本，已转向网上播放。

爆过冯盈盈！肥妈自揭11岁经历第一次

麦明诗、冯盈盈主持的节目《#后生仔倾吓偈》，日前，请来肥妈做嘉宾，肥妈未知是否受到两位主持的「敢言」影响，亦大玩「爆料」，她指自己11岁几已经历初恋，令在场人士哗哗声，肥妈气定神闲表示：「嗰阵时嘅初恋系有人追咁解，唔似依家咁，识得个一、两日就话过夜。」肥妈还直言一向多人追，高峰期更试过同一时间有七个男友：「我40几岁第一次离婚之后，曾经有七个人追我，要搵秘书帮手安排约会㗎！」在旁的冯盈盈听完肥妈的情史，都不禁大叫「犀利！」