乐坛天后麦当娜（Madonna）刚完成喺澳门新濠影滙举行嘅一连两场演唱会，唔少星级粉丝都睇得非常high，仲急不及待于网上大晒场内片段及自拍回味一下。

艺人汤盈盈孖埋佘诗曼、锺丽淇、梁靖琪等一班好姐妹齐齐着住件Madonna Tee“潮”圣，散场时，佢哋更不忘影番张合照，盈盈其后更于微博发文道：“姊妹Madonna团！So happy to see Madonna with my gal pals！！”

至于林夏薇则以一身黑色lace贵妇look到场，影尽演唱会每一个角落。佢喺backdrop前、台下、包厢外亦有留影，仲系开骚前事先发文预告将会“洗版”！而佢事后亦放咗多张花絮照及短片，并大赞个骚：“正到不得了！”而于近日公开恋情嘅黄美棋亦有带埋男友锺健威齐齐睇骚。