政府改法例推实名制？容祖儿支持：保障歌迷

近年「黄牛党」横行，政府考虑修改法例打击，向立法会提交文件，提出当预计有活动的门票会出现超额认购时，政府和团体才作出内部认购、实名制等安排。

对于政府考虑修改法例以打击黄牛党，明年将会开骚的天后容祖儿表示：「为咗杜绝有咁嘅可能性（黄牛），如果政府有啲咁嘅法例，我觉得可以保障到歌迷，无论金钱嘅损失同人身安全，都系一个非常之好嘅新方案。」

赵希洛李施嬅准备香槟消夜　贺黄智雯拎视后

出炉双料视后黄智雯喺圈中人缘甚广，虽然完咗台庆已经好夜，但好姊妹李施嬅同赵希洛一于冇理，凌晨三点钟都照同黄智雯食消夜饮香槟庆祝，虽然人系少咗啲，又冇买啲咩好嘢食，但简简单单三个人庆祝，对黄智雯嚟讲已经好满足！赵希洛仲喺社交网留言大赞佢叻叻添！

至于黄智雯继讲完得奖感言，又再喺社交网多谢网友同粉丝支持，仲话通宵唔瞓睇晒大家嘅留言：「多谢我的姊妹sss，我的lovely team，再次多谢马来西亚和新加坡的朋友投票支持，多谢Astro、starhub，通宵睇晒所有的messages留言啦，感恩，感动，我feel到系海量的爱。」

周董巡唱大批歌迷失手机　呼吁学友帮唱

台湾天王周杰伦（周董）于上周六（17日）假贵州贵阳市奥林匹克体育中心举行巡唱，网传有超过30名歌迷被偷走手机，有受害者在网上发文，称得悉「检票入口有人被偷，内场看演唱会时也有人被偷，出门等车也有人被偷」。有民众事后透过社交平台成立群组，藉此联系其他受害者。当地警方证实事件，目前已介入调查。

群组成员罗女士表示，上周六晚上约7时40分，她将手机放至上衣口袋，并准备排队入场，惟不久便发觉手机已遗失，拨号更被提示手机已关机。罗女称，当晚10时20分演唱会结束，她前往派出所报案，并说当时在路上也遇到几名自称在演唱会丢失手机的人，其后又目睹10余名，因同一缘故遗失手机的受害者报案，并带一名疑为窃贼的中年妇女到场，惟相关赃物已被转移。

有派出所职员周一（19日）证实，此前确有一名疑犯被带至派出所，目前正调查对方是否涉偷盗手机，暂未确定被盗手机数量；又指案件有进展后，将会通知报案的手机失主。

而很多网友则呼吁周杰伦赶快请张学友来「帮唱」，只要他一来，问题就全解决了。因为好多场学友巡唱，公安都成功捕获逃犯，当然这些都只是玩笑话。手机被盗与谁开演唱会并无直接关系。所以大家平时出门的时候，还是要小心自己贵重物品。

传大肚后现身！杏儿：有喺马尔代夫造人

艺人胡定欣与胡杏儿到尖沙咀出席活动，讲到杏儿再传有喜，她说：「都系传啫！有喜讯会讲。（啱啱去完马尔代夫旅行，有冇落力造人？）点都要造㗎啦！特别对住咁靓嘅环境下！」定欣说：「地方咁靓，成功机率一定再高啲！」

定欣与胡杏儿齐齐穿上红色服装，预早交换圣诞礼物，问到是否已经开始买圣诞礼物？杏儿说：「都要啦！我有摆圣诞树习惯，会同小朋友影吓相，相信好多系佢嘅礼物。」讲到去年胡说八道会一班好友玩交换礼物，她们投票选谁的礼物最差，定欣说：「好似系豹哥（单立文）送咗只好似菠萝咁嘅杯，唔知装得啲乜。（输咗会罚？）自饮一杯囉！都系气氛，其实我哋要聚埋开Party好难，希望今年都夹到。」

提到好姊妹黄智雯在台庆连赢新加坡及马来西亚视后，问之后有否庆祝？杏儿说：「有话约饮嘢，但佢做完嘢都半夜两点，会补祝，如果佢赢埋香港个视后就连埋圣诞Party一次过庆祝，到时当然要佢畀晒钱！（当年你攞三料视后有冇包晒所有开支先？）梗系有啦！」她表示今年胡说八道会及Crazy Runner的艺人好友相当旺，希望延续落去，再带旺姚子羚及李施嬅：「但其实最旺系杏儿，事业家庭两得意！」杏儿即表示一直有帮定欣留意笋盘：「但要衬到定欣呢个条件系好难，我每日出街都周围帮佢望吓男仔，好似寻日见到个好似几好，即刻望吓佢有冇戴戒指，但佢挂住睇电视，我就冇打搞佢。」

自爆112磅！钟欣潼减肥完美待嫁

钟欣潼（阿娇）下月喺香港同老公赖弘国举行婚礼，之前都话已经减咗五至六磅嘅佢，今日喺社交网上载一条名为「阿娇婚前减肥日志」嘅短片，记录低减肥嘅血泪史，见阿娇一嚟就饮紧花胶汤调理身体同补充力量，仲第一次咁公开自己系112磅重：「最近开始控制胃口，食肉同菜，我唔想减得太清，因为太清可能饮宴嗰啲一饮就醉，但就唔饮甜同戒淀粉质，加上运动。」

阿娇话希望可以减5至6kg，仲叫大家要齐齐加油：「希望同想减肥嘅朋友一齐减肥倒数一个月开始，第一次咁赤裸裸同大家分享我嘅肥，为咗着婚纱，呢个月一定要减到！」

通知通知

为防止突发情况账号失联！

大家可以添加Miss.K的个人WeChat：

hkchanne1666

不要和我失联哟！