三重意义！钟嘉欣囡囡中文名叫梁爱晨

该新闻包含视频，即将在公众号tvbvideo推送，敬请关注！！

女星钟嘉欣从加拿大飞返香港，到大埔出席倒数活动，吸引大批粉丝逼爆商场，嘉欣献唱多首歌曲答谢粉丝支持。问到新一年的愿望，她说：“年纪大咗就想简单，希望新一年放低负面、唔开心、失望感都一一丢咗佢，2018要有正面能量。”

唔畀囡囡做童星

讲到与老公及囡囡Kelly分开迎接新年，钟嘉欣表示：“系第一年冇同囡囡过新年，老公系最失望，因为佢放假一个星期陪我哋，会同佢补祝番。（囡囡改咗中文名？）系呀，叫梁爱晨，有三个含义，好多人都封女仔做女神，佢系一位爱神，系爱嘅战士，同埋系爱晨，即系爱日头，做一个有朝气嘅女仔，再食多次字，系爱神（Love God）嘅意思。”嘉欣又指老公不懂广东话，因此被委以重任，而自己则有向好友黎诺懿请教，笑封他是“黎师傅”，要多谢对方帮大忙。讲到早前与囡囡Kelly母女档到主题乐园拍特辑，问囡囡会否拍上瘾？嘉欣笑言：“佢太细唔识，系一个好开心嘅回忆。（做童星？）唔会，佢未知自己要乜，最紧要有个快乐童年。”

否认离巢未定去向

有指嘉欣已约满TVB，即将离巢自组工作室，她否认说：“依家仲倾紧，仲未有方向，都系传言，同TVB关系好好，当然想继续合作，但依家以家庭行先，做咗妈妈有少少懒，所以未好积极咁揾方向，希望快啲决定好话畀大家知。”

估唔到钟嘉欣咁识食字。

钟嘉欣话有向黎诺懿请教，仲封佢为“黎师傅”。

同现场观众玩游戏。

唱歌唔少得。

钟嘉欣啲母爱出晒嚟。

系第一年冇同囡囡一齐过除夕，老公仲有啲失望，钟嘉欣话会补祝番。

钟嘉欣话做咗妈咪之后有啲懒，所以未谂之后嘅方向。

钟嘉欣同囡囡。（资料图片）

---------------------------------

商务合作QQ：2063871309 

最新最快最全：关注订阅号tvbdrama，回复你想要的

（长按下图识别二维码即可轻松关注）