独家原创文章 每日整理推送

郭晉安抱100磅萬綺雯呻苦

郭晉安、萬綺雯（蚊蚊）及黃德斌今日拍攝新劇《致命復活》火燭戲分，郭晉安訴苦說：「最辛苦是抱萬綺雯，因為我要救她！」萬綺雯表示自己只有100磅，但由於身形長，所以要抱起她「唔濕碎」。

郭晉安續稱，之前與萬綺雯合作拍劇時曾抱起她，每次也感到大壓力，怕弄傷蚊蚊舊患，郭晉安說：「她有事又不出聲，我現在會主動問她『無事嘛？』」萬綺雯則大爆郭晉安還會提醒其他人，例如黃德斌抱起她時，郭晉安會向黃德斌說：「你小心啊，她是『玻璃人』，不要弄到她的肋骨裂了。」

勁狠！黃德斌打到麥嘉倫頭破血流

藝人黃德斌到屯門海水淡化廠拍攝無綫新劇《致命復活》，只見拍攝時麥嘉倫慘遭德斌毒手打致瞓地頭破血流，德斌亦直認《致》劇多動作場面，充斥拯救戲份：「救大人細路都有。（受傷？）小小傷一定有，逢係動作戲都一定有，好彩唔係大傷。」

曾被吊起毒打

但硬漢德斌今次在劇中亦曾被吊起毒打：「係呀，吊咗兩日，係講我有仇家嘅，畀人尋仇。（打得好甘？）好甘㗎！眼都爆晒，又要割肉呀，直頭酷刑咁，又要搵鹽灑去你啲傷口度，正式嘅傷口灑鹽。（出唔出得街㗎？）應該得啩，不過吊住都辛苦，拍兩日係因為第一拍唔晒，第一日好啲啦，因為好天，咁第二日天氣就好凍，又要淋水，真係酷刑。」

感慨鄧婉媚離世

提到著名監製鄧婉媚離世，德斌與她雖未曾合作，但再聞圈內死訊，德斌感慨萬千：「今年好多事，所以生命，開心嘅時候開心多啲，人生苦短！」