前港姐叶翠翠早前与圈外建筑师老公周晓东（Raymond）喺四季酒店摆酒结婚拉埋天窗，不过，老公Raymond曾经卷入弃见亲生女同埋削减前妻生活费嘅传闻，翠翠接受访问时更谓觉得：“真系劲无奈、好无辜！”不过好彩事情都总算告一段落，而翠翠同Raymond就继续恩爱。今日，翠翠就喺微博上载咗张同老公Raymond嘅合照兼留言：“有你在旁，是最幸福的事！”相中见Raymond轻轻咁锡翠翠嘅面珠，而翠翠亦一脸满足咁微笑，相当甜蜜！