江美仪在将军澳出席《万千星辉贺台庆》祝捷会，讲到有指亚视年代万绮雯（蚊蚊）误以为陈炜是临时演员，自此陈炜与蚊蚊不咬弦，同属亚视出身的江美仪表示：“吓？冇听过喎，蚊蚊唔会嘅，系咪误会，见佢哋又冇乜嘢，亚视关系几好，大家好似一家人咁。”唔信蚊蚊陈炜不和讲到万绮雯指陈炜不是她的朋友圈子，江美仪说：“咁朋友有好多种，唔系朋友，会唔会系同事呢？”会否拉拢万绮雯与陈炜化解前嫌？她说：“首先我唔信呢件事，所以唔需要咁做。”与陈炜相识于微时江美仪透露她在陈炜十六岁时已经认识对方，当年一同参加台湾观摩团，平时食饭也没有听闻她透露此事及感到不快。问到可会觉得选美出身会特别多是非？江美仪说：“误会嚟啫，我都唔知几恨选美，但系爸爸唔畀话要着泳衣，依家着内衣都系咁啦，早知唔听佢讲。”