卫诗雅马来西亚拍戏 带埋“奇怪嘢”返香港

卫诗雅及林德信出席主演电影《双魂》宣传。电影题材涉及灵异及神怪，诗雅直言拍摄途中“撞鬼”，直言短期内不会再接拍同类型电影！她表示：“套戏喺马来西亚取景。我本身属于大胆嘅，屋企人过年仲围埋讲鬼故添，点知拍完戏返到香港2、3个月，都觉得好唔舒服。戏中有一个道具娃娃，唔知点解我一见到就好想带返香港，跟场嘅茅山师傅就话娃娃里面有‘奇怪嘢’，今日你到现场先知道剧组带咗佢返嚟香港！”

幸而后来有朋友出手相助，她表示目前已“问题不大”。记者问她会否将日前身体过敏与撞邪挂勾，她答：“唔敢谂，不过嗰日事前系落过街烧街衣，总之觉得同死神擦肩而过，依家好想搵医生去做敏感测试，起码知道发生咩事。（依家惊到夜晚开灯瞓？）咁又相反喎，要全黑，因为我觉得黑麻麻乜都睇唔到，咁就唔会被吓。”

林德信参演电影《双魂》，拍档卫诗雅指她全程表现大胆，他却否认：“其实系心惊，记得小时候爸爸（林子祥）好锺意畀鬼片我睇，每次睇完我都惊足半年。（今次请佢嚟睇？）会呀，其实我每次拍电影，佢都会同朋友买飞入场支持，真系好sweet，今年我推出嘅戏，佢反应正面。（以前嗰啲闹？）未至于，不过会畀啲意见。”

问到有否考虑与父亲于电影方面合作，林德信坦言：“有机会系绝对会考虑嘅，好难得可以同屋企人喺电影方面交流，况且我哋两个又一齐玩过音乐，下一步好希望系电影方面，不过爸爸对电影都几高要求。”