相信大部分女星对于身材都只系得一个追求，就系瘦！但系视后胡定欣就多一个，就系要瘦得嚟有线条，所以定欣一向都有孖住出名系爆肌男嘅袁伟豪、陈山聪等等一齐KEEP住做GYM，操得一身FIT爆线条，所以咩人鱼线马甲线通通难佢唔到！呢日佢就上载咗一张饮住珍珠奶茶嚟做GYM嘅相同大家示威，佢仲留言话：“饮住珍珠奶茶做运动的权利，我有～～”问你服未！正所谓“食得咸鱼抵得渴”，定欣平时操到咁FIT，又难怪佢咁得戚嘅！