自从邓丽欣（Stephy）同前棒棒堂成员邱胜翊（王子）甜蜜公开恋情，算上方力申（小方），三人可谓是日日都在新闻版面上。

昨天小方出席展销活动被媒体包围问回应，问他是否有恭喜Stephy，小方仲自爆一早就知！小方话：「早两三个月已经知道，我守秘密几好，亦都见过佢哋冇尴尬，公开咗之后希望大家问佢嘅嘢可以问我少啲，可以问返佢多啲，其实呢段时间我喺自己网里面都好多fans同我讲见到 佢哋，所以我都知道。」

之后小方又叫大家以后有嘢可以问番Stephy，仲劝fans可以focus返个人感情，同父母之间嘅感情，唔使太过关心佢呢方面。至于由乜嘢渠道知道两人拍拖？系咪Stephy亲口讲呢？小方避谈：「太过Detail喇，我哋见过面有打个招呼冇尴尬，你哋最关心都系想知我尴唔尴尬啫！（几时见过？）唔只见过一次，但冇尴尬。」笑问佢觉得Stephy同王子系咪好衬？小方就话：「女仔钟意咪得囉，你哋教我答嘅。」

小方再被问到觉得王子靓仔啲，定佢本人靓仔啲？佢就笑住话：「边有得咁讲，依家唔系选美，我唔系sell样嘅，sell缘份同随缘囉！（系咪戥Stephy开心？）呢个问题好得意，咁梗系啦，你教我可唔可以有第二个答案呢，我叫小方啫，其实个人好大方，唔好再问我呢啲咁难答嘅问题啦！」

至于佢自己感情有冇着落？小方就好巴闭咁话：「我大把女，泳会有几十个女，多到不得了，完全唔使愁，开心到不得了，日日对住无忧无虑，天真可爱小朋友，好享受游水工作 。」

最后，大家问小方知唔知Stephy钟意王子啲乜？小方就正经叫大家问番Stephy嘅闺密，因为作为前度不能太close。另外，早前佢睇波时上载一张照片，背景有位女性，佢自我解画指相中女子非其女友，呢个举动被Stephy批评为此地无银，小方就解释：「我讲咗报纸都写，唔讲仲得了，讲咗系有先见之明啫，我唔需要呢啲版面。」

欢迎分享至朋友圈

☞来源网络

☞ 商务QQ：1900556960

香港娱乐八卦

尽在HKChannel