iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

今个月初，2005年港姐冠军叶翠翠入院开刀诞下第二胎「小小王子」，一眨眼，细仔今日就已经出世4个星期啦！不过，最近翠翠一直在其个人社交网同网民公开发生骂战，有网民就觉得翠翠同网民对骂，涉网络欺凌同人身攻击！究竟发生咩事？

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

时间过得快，一眨眼叶翠翠细仔「小小王子」今日就已经出世4个星期啦！叶翠翠就趁囝囝满月，上载一张小小王子嘅近照上个人社交网，唔少网友都大赞小小王子好可爱，亦有网友指B仔对眼好似妈咪，连叶翠翠睇到个留言都表示认同。

囝囝不过，最近叶翠翠就于个人社文网与网友公开驳火，互相隔空对骂。事源系叶翠翠于上星期二发文，指自己好唔开心，因为佢亲眼见到工人搣大仔「小王子」个鼻，事件令佢感到非常不满，并问工人为何要咁样做，最后翠翠仲话因为太唔开心而又晕又呕。

其后，有网友留言撑翠翠，但同时亦有网民批评翠翠，认为佢过份紧张，其实只系小事一椿，仲叫翠翠放松啲。

其后，叶翠翠再次发文，表示有网民留言不满翠翠叫自己个仔做小王子，结果又再一次令翠翠呢位妈咪感到非常不满，指自己点叫个仔唔关其他人事，又指对方嘅留言低b。

原来翠翠其实都忍咗某部分网友一排，皆因有网民一直批评翠翠「香港小姐冠军咁无品」、「做艺人做到咁小家」等，翠翠当然不甘示弱，还击回应「o依家网络都有好多病患者」。

不过，翠翠一直都有留意留言批评佢嘅网民，指原来有键盘战士活跃于社交平台及专门攻击人，并为囝囝受网络语言攻击而护航，直斥对方心理变态！

对于有人认为佢直斥网民涉网络欺凌，翠翠接受传媒访问时，表示好多人为咗攻击而攻击，反问对方话佢就得，但佢话对方就唔得？而且，翠翠觉得攻击佢嘅网民系低B，所以先直接话对方低B，若然觉得对方有病，就会话佢有病，咁做都系直接表达自己感受。

另外，翠翠续指艺人其实都系人，认为艺人唔系一定要硬食一啲无理嘅攻击，同时又话：「最搞笑系有人话我，点解叫个仔做小王子，我真系觉得好好笑，系咪我畀人欺凌呢？」

- END -