【被指苛索金錢】何傲兒堅拒和解

周子揚再求和﹕無謂大家遍體鱗傷

何傲兒今日有份出席魔術師Cyril Takayama喺荷里活廣場舉行嘅發佈會，接受記者訪問時透露同舊愛周子揚庭外和解嘅事，不斷重覆「想真正、真實、真相讓大家知道」。

去年周子揚大爆遭舊愛何傲兒胞姊何傲芝苛索生活費後，何氏姊妹發律師信要求男方公開道歉，最近周子揚想庭外和解 周子揚稱:「同家人商討後覺得冇需要，但都想平息事件，唔會再諗後唔後悔，但男人要大方啲，主動啲要求和解，雙方都有落台階，希望新一年新開始，唔想再添麻煩事！」

今日問番何傲兒，佢坦承已收到和解信，但似乎唔接受呢個方案，佢話:「呢件事令大家傳媒為我同家姐勞心，但呢件事我哋希望將真正事實、真相讓大家知道，想法律還我哋公道，所以應該唔會。」

至於係咪為啖氣而要對方公開澄清？何傲兒話:「呢方面已經交咗俾律師處理，想真正、真實、真相讓大家知道。」件事長此下去可能要上法庭，佢話:「呢個係一個過程，有啲嘢要嚴肅處理，再多回應只會沒完沒了。」

對於舊愛拒絕和解，周子揚就回應《蘋果》話:「和解信都出咗，唔想呢件事繼續沒完沒了，所有嘢交晒俾律師處理。地球係圓，無謂搞到大家遍體鱗傷！大家都係娛樂圈嘅人，娛樂圈畢竟會有是非，但呢件事始終要有個段落，希望大家以後可以專心做好演藝工作。」 

新闻来源/香港各大新闻网站

杂志来源/FACE&壹周刊

编辑整理/台叔

微博©香港TVB资讯台