万绮雯（蚊蚊）与郭晋安（安仔）赴屯门海水淡化厂拍摄无綫新剧《致命复活》，虽然剧情大部分危险场面可以找替身帮手，惟郭晋安笑言最辛苦的是要将100磅嘅蚊蚊公主抱起逃离现场，谓：“好过嗰次我背张国强㗎喇，仲叫我跑快啲，我举步为艰，佢150磅。不过我唔系第一次抱你（蚊蚊）啦，喺拍《老表，你好嘢！》时都抱过，但抱你好惊，怕整亲蚊蚊啲旧患。最怕就系佢有事唔出声，所以依家次次都会问佢有冇事。”蚊蚊闻言笑称郭晋安对自己照顾有加，即使拍动作戏的对手不是自己，郭晋安亦会吩咐蚊蚊的对手万事小心：“佢话我系玻璃人，话：“唔好搞佢，佢嘅肋骨裂过！”

越南拍剧唔怕排华情况

郭晋安又提到月尾复活节后会随剧组赴越南，展开三个星期《致》剧外景拍摄之旅。提到当地排华的情况，蚊蚊表示会去当地旅游胜地美景拍摄，郭晋安坦言：“我哋去嘅地方应该唔到嘅，会将佢哋好嘅一面拍出嚟，拍靓景，系帮佢哋，所以佢哋唔会排斥我哋嘅，应该会支持我哋。”

问到到当地拍摄，可有危险场面？郭晋安表示会有抢赎金及追车等戏份，笑言：“都辛苦嘅，不过预咗。（有时间玩？）无㗎，咪观察吓环境，部署吓下次去越南玩。”

赞邓婉媚监制节目出色

提到着名监制邓婉媚的死讯，二位皆表示未与她合作过，但蚊蚊称以前在亚视曾听闻过邓婉媚之名：“因为佢系攞过奖嘅，我记得。”而郭晋安亦大赞其监制节目《寻找他乡的故事》十分精彩。