無綫劇集《我瞞結婚了》黃浩然、傅嘉莉、陳煒、吳岱融、莊思敏、王卓淇、到西貢宣傳。主角黃浩然首次為劇集宣傳，他說：「觀眾口碑都話幾好笑，同埋叫我唔好再留鬚。」黃浩然又笑謂拍攝劇集時就連兒子及老婆也嫌棄他的留鬚Look，他笑說：「因為我成日錫佢哋，啲鬚就拮到佢哋，拍完第二日個仔就攞個鬚刨叫我剃鬚，老婆都話我留鬚冇運行。」講到劇中不及洪永城艷福無邊，他笑說：「留番畀啲後生仔，我之前拍得太多。」