艺人方力申出席活动时，他称签约的主因是该公司的执行董事乐易玲：“我之前拍咗套电影，多咗同乐小姐（乐易玲）倾偈。其实过去两年我都系冇经理人，好难得乐小姐睇得起我。作为演员，有个经理人欣赏同提携自己先至会有更多机会，我相信乐小姐同公司。”

他又指过去两年的工作量及收入都很好，但因为同时兼顾游水学校及开办艺术展，加上没有经理人公司，不少人以为他已离开幕前，改做生意，但他强调做演员才是他的正职，其他只是兴趣。

问到他跟公司签了多少年约？他自嘲：“我年纪都唔细，唔会签好耐，唔会五年以上，不过我同乐小姐都系爽快嘅人，大家冇话好白纸黑字讲明要畀啲咩大家，大家有个信任，合作系缘分。（重金礼聘？）唔系，大家冇讲钱，我唔系等钱使，最重要系机会。

（嚟紧会拍咩电影？）我期待可以拍《飞虎III》呢类动作片，因为观众都系从爱情片识我，我希望可以拍动作戏或者成熟啲嘅戏，畀人知道方力申系有成长。”