余文樂月頭同台灣皮帶大王個女王棠云喺澳洲閃婚之後，時不見都見佢喺IG放閃，分享老婆度蜜月嘅溫馨照，仲話：「安靜地享受這個時刻。」

兩日前樂仔就離開澳洲，陪老婆王棠云返台灣娘家，佢首先Po一張同朋友打邊爐嘅相，之前又Po一張糖水舖嘅相話：「喜歡地道糖水」，睇嚟樂仔都好適應台灣生活。有眼利嘅網民仲發現原來間糖水舖係隱世食店嚟，就喺台北中山區遼寧街，真係要當地人先識去，睇嚟應該係老婆王棠云親自帶路。食完糖水樂仔就搭的士返歸，點知巧遇小黃司機竟然係叫「張志明」，張志明遇上張志明，有粉絲搞問叫樂仔問司機老婆係咪叫余春嬌，又有台灣網民冷靜分析指，原來張志明在台灣是個很常見的名字，不用大驚小怪。

張志明遇上張志明。（網上截圖）

樂仔去呢間原來喺台北好出名嘅糖水舖。（網上圖片）