拍剧拍出感情　苏可欣恋上傻强

前港姐兼无线娱乐台主播苏可欣（Eunice）早前有份客串剧集《爱．回家之开心速递》，饰演学生会之花，同「傻强」冯奕森发展一段短暂嘅感情，Eunice：「我见到傻强变靓仔之后，佢借咗把遮畀我，我就开始锺意佢，但点知佢最后变番平时咁，我就离弃佢。（现实都锺意靓仔？）现实都系嘅，但拥有唔到望吓都好。」

Eunice话觉得拍剧好好玩，仲希望继续有得拍：「我仲好想继续拍，同场嘅演员又差唔多年纪，睇得出《爱》剧啲演员感情好好，同埋我第一次拎住剧本去睇，终于感受到其他演员讲做功课嗰种感觉，所以希望可以拍多啲。」

已同监制自首！杨千嬅自揭迟到真相...

艺人杨千嬅出席电影《麦路人》的感谢宴，对于有指拍摄剧集《多功能老婆》，令对手陈炜发火，千嬅谓：「其实都冇乜要回应，成日都有呢啲新闻，又唔系好真实，虽然有少少事实，呢啲时间梗有长短，有时争一个shot咪迟啲囉！但系度期都度得充裕咗。反而拍呢套电影试过迟到，拍剧都迟过两、三次，因为啲通告太紧，但都系迟廿分钟内嘅事，我自己会打畀监制陈宝华自首，呢啲嘢一定要做。」

她又指有一次因为伤咗尾龙骨，要去针灸，所以拍这部电影时迟到，她笑言：「我等嘅时间又唔计嘅！」她表示重点是完成了两个很好的作品，说到有指陈炜等到火都嚟，她谓：「唔清楚喇！如果系点解依家先写，都拍到四、五个月啦！呢啲嘢天知道点解咁咪得囉！」

视像凑女　城城强调婆媳关系和谐

艺人郭富城出席电影《麦路人》感谢宴，现时他同时拍摄两部电影，问是否很忙，没有时间凑女？他谓：「世界进步咗！呢个世界仲有wifi，都唔使同我担心。」对于有杂志指太太方媛是城妈的磨心，城城说：「完全冇啲咁嘅事，呢度凭空想象出嚟嘅小说，只要我有电影同演唱会上，就会无啦啦出嚟，凭空想象嘅剧情，见惯不怪，系无需解释，总之我依家过住健康、快乐同和谐嘅家庭，对呢啲不实新闻我只讲一次。（婆媳关系OK？）当然啦！」

问有第二胎好消息未？他风骚地说：「我一直都讲，大家睇住我成长，好关心我屋企，但讲得太多，大家注意力集中我家庭上，我都好乐意同大家分享，我讲过自己好锺意小朋友，但有啲嘢暂时无可奉告，畀啲空间我啦！总之适当时候自然就会讲，上天会有安排，添几多个小朋友交畀个天啦！总之有好消息会同大家分享，但呢一刻无可奉告。」

另外，他表示在训练班时已跟万梓良拍过《成吉思汗》剧集，时隔了三十年再度合作，大赞对方依然咁好戏、好专业。