最近珠江台夜晚10点重播《大时代》，

小编阿妈又係度睇，

真係救命！！！

点解？

因为之前TVB深夜档刚刚播完冇几耐，

阿妈都有睇，所以小编就问阿妈：

“点解又睇呀？之前TVB先睇完？”

阿妈话：前边我都未睇过......

明明我细个嘅时候就已经睇过，

小编都睇过，你会没睇过？！

其实点解我会嗌“救命？”，

咪因为部剧实在太经典咯！

搞到每次阿妈係度睇，

小编都被佢吸引咗，又坐埋一齐睇...

《大时代》真係太虐心喇！

难怪系经典中的经典！

其实都唔止《大时代》，

好似宜家TVB重播《鹿鼎记》，

小编阿妈都有睇，哇哇哇~

呢部小编就真係未睇过，

不过知道系经典，

之前经过电视机瞄咗几眼，

发觉有好多大咖呀！！！

而且亦都係第一次系屏幕上见到梁朝伟如此扮鬼扮马，

你要知道，小编睇过梁朝伟噶电影，

都係一副正经样，

好似《一代宗师》、《无间道》啊等等！

而且呢部84年噶《鹿鼎记》，

唔单止睇到两大天王斗戏，

仲系剧中搵到视帝刘青云，

不过当时仲系一个默默无名的二打六。

记得阿妈有一次仲同小编讲：

哎~重播噶电视剧仲好睇过宜家D新剧...！

Er...你咁讲又好似有D道理啵！

皆因小编之前睇过新闻，

话TVB深夜节目收视仲好过黄金时段！

哇~会唔会离谱D呀！

不过，以前无线制作噶电视剧的确非常有质量，

基本好多都係经典，甚至无法超越。

好似下个星期重播嘅《宠物情缘》，

小编好耐之前睇过一次，

好喜欢呢种温馨、搞笑、轻松的剧集，

特别喺当时嘅古天乐，

真係超靓仔！！！

而且两位女主角小编都好钟意~

.

印象最深刻当然系两只狗狗啦，

ROCKY&豆豆

（怎么感觉TVB的狗都叫rocky）
而依两只狗的配音更系陈奕迅和杨千嬅，

相信呢个组合唔会再系TVB出现咯。

当时嘅古天乐肤色冇宜家咁黑，

真係劲靓仔咯~！

而且戴展硕呢个角色真係好啱古天乐扮演，

工作中不求上进、日子得过且过、生活中孩子气十足、

感情世界深情痴心嘅大细路，

古天乐真係演活了。

还有饰演子珊的郑秀文，

小编一向都几钟意Sammi演喜剧，

而且Mi嘅演技一向唔错，

所以对Susan呢个角色演得游刃自如。

她小心翼翼的藏着自己的心酸，

实在难以自抑的时候便喝醉了安慰自己：

有些东西失去了再也找不回来了。

宣萱饰演的阿文与古天乐系一对欢喜冤家，

宣萱的演技对于呢种角色可谓手到拿来。

其实呢个故事好老套，但观众依然好受落，

只要拍得好，故事有几简单又有咩所谓？！

而呢部电视剧嘅主题曲都好好听，

系郑秀文嘅<真命天子>。

又好似之前因为电影版《冲上云霄》上映，

TVB再度重播《冲上云霄1》，

虽然系深夜，但收视竟然唔错！

其实都好正常，《冲上云霄》的确系一个经典，

第二部都唔错~~~

不过电影版就呵呵了......

好噶剧集无论重播几多次，

都依然有粉丝追捧，

好似之前重播过的：

《寻秦记》

《陀枪师姐》等等...都係百看不厌的经典。

好多人都话TVB剧集越来越差，

其实有些少噶，

近年令人印象深刻的电视剧真係唔多，

最令小编印象深刻的就只有《使徒行者》！

而宜家热播紧噶《僵》，

口碑好坏各半，

小编都有追，因为觉得题材唔错，

不过亦都未至于好好睇，只能说一般。

而近日就有消息称将开拍《溏心风暴3》，

更有杨怡和陈敏之加盟，

哇~如果系，都好期待，

皆因《溏心风暴》的确都系一个经典，

如果林峰都回归，就好噜~

近年TVB剧集质素越来越差，

好多人都话因为冇对手，

好喇！

宜家香港另一个免费电视台Viu TV终于开台，

 之前黄金时段Viu TV 更抢了唔少收视，

相信TVB都会有危机感...

小编睇TVB长大，

希望无线接下来拍多D好戏，

唔好再令观众失望喇！

【特别声明：图片&视频源于网络资源，版权归原创者所拥有。文字由“广州吃货”编辑创作，转载请注明出处】