方中信、曹永廉、黄智雯、张曦雯等在长沙湾为剧集《律政强人》举行煞科宴。方中信大呻拍摄两个多月来十分辛苦。问方中信会否再拍？他笑说：“喺不久嘅将来都唔会啦，不过返嚟见到啲同事都开心嘅。（要求拍啲轻松啲嘅剧？）唔通拍处境剧咩，我都唔会啦，处境剧嘅生活太规律我又唔习惯，客串又冇乜意思。（同新人合作成点？）新人、旧人都合作得好开心，奈何呢套剧拍得太辛苦，场口好多、对白多，每日瞓得几个钟，年纪大顶唔顺，对手廖启智又犀利，几乎唔会NG，所以你话压力几大，要花好多时间准备。”

笑曹永廉系最佳女配角

曹永廉带埋老友萧正楠前来食饭，方中信对曹永廉笑说：“呢个系今年嘅最佳女配角，如果你真系攞奬我上台颁奖畀你。”曹永廉表示多谢公司。问到拍剧辛苦吗？他说：“我冇问题，挨惯啦，佢出面怕开觉得辛苦啲，不过都挨过啦，大家开开心心食餐饭。讲到好似TVB最后一套剧咁，好似讲到你荣休咁。”方中信笑说：“嚟紧十年我都唔会返嚟拍。（真系唔再拍？）有啱先啦，啲好位都畀萧正楠霸晒啦，拍紧剧都可以出嚟食饭，就知佢哋位几高、几逍遥。”