电视台ViuTV热播的真人实况娱乐节目深受观众追捧，全新制作的《超级奶爸》由家长及幼儿教育课程导师何基佑担任主持，以真实个案呈现父母经常遇到的子女行为问题，拍摄各父母由面对顽皮孩子时束手无策，变成在「超级奶爸」帮助下，以不打不骂的方式，学懂运用正确管教方法的整个过程。节目中，何基佑碌尽人情卡，邀请圈中一班星级父母，包括杨思琦、蒋怡、林子聪、高皓正、欧倩怡及郭羡妮分享凑仔经。

欧倩怡怕各有一套

身为单亲妈妈的杨思琦，节目中耐心地教小朋友折飞机，谈及管教问题，她说：「管教慨关键好睇小朋友本身慨性格，好似我个女衔，佢好好动，但试过因为唔识管理情绪，喺学校大吵大闹，通常要等佢冷静咗先，唔可以佢叫，我又一齐大叫，将个气氛拉到好激烈，佢系唔会听你。喺呢个时候，又唔可以责备佢，唔好用闹慨语气，或者负面慨字眼，要针对咗嗰件事先，了解咗再慢慢教。」

而欧倩怡觉得成屋大人，反而更难教小朋友，虽然有公公婆婆、爷爷嫲嫲帮手，但愈多人愈难搞，因为各人管教方式经常有分歧：「个个准则都唔同，搞到囝囝、囡囡无所适从，所以大人之间商量好系好重要。」欧倩怡指儿子年约9、10岁，开始踏入另一个较难管教的阶段：「点样话畀佢听，一啲嘢唔适合佢呢个年纪做，或者应该去做？」她坦言儿子现在较爱黐爸爸，会模仿爸爸做男人的模式，即使向他说教，他亦未必会听：「男仔6岁以下会亲妈妈多啲，6岁以上开始揾人模仿，同辈慨影响都好大，所以要小心教导。」

林子聪提起囝囝喊出嚟！

至于林子聪在节目中跟囝囝玩啪啪纸，场面温馨，他认为父母要以身作则：「样样嘢都要提住佢，因为佢哋一定冇记性，要Keep住提啲啱慨嘢，好似礼貌咁，一定要潜移默化。」谈到囝囝时，子聪一度哽咽，坦言曾经为囝囝喊过几次，第一次是亲眼在产房睇住他出世：「嗰种震撼真系未试过。」另一次则是平日爱说话和笑的囝囝患上咽喉炎，因而声沙失声，令他很心噏。问到对儿子的将来有何寄望？他说：「希望渠做个平凡人，愈平凡愈好，个人愈开心！

「超级奶爸」何基佑20分钟搞掂「慢世魔王」

「超级奶爸」何基佑在节目中传授育儿三大贴士，先后为七个家庭解决棘手育儿问题，他感叹：「依家慨『魔童』层出不穷，有啲食饭食几粒钟，有啲中手机毒，有啲甚至情绪失控，成日打人，同兄弟姊妹唔啱咁，搞到父母头都大埋！」他认为教小朋友切忌体罚，因为打闹只会带来反效果，以「唔使闹，唔使打」为座右铭解决所有奇难杂症！面对小朋友情绪失控，他建议父母设立「冷静区」，叫小朋友望着漏斗一分钟就可以解决问题。至于小朋友食饭坐唔定，次次食饭花上成粒钟，他竟然同小朋友玩游戏提供奖励，最后20分钟就食完一餐饭！