兩位視帝郭晉安與陳豪效力無綫分別逾30年及17年，有報道指他們都有意離巢，安仔會轉簽王祖藍的經理人公司，陳豪亦可能在約滿後離開，拍內地劇掙人民幣養家。

安仔受訪時承認會簽王祖藍，跟無綫則簽部頭合約。安仔解釋不是離開無綫，跟以往一樣，都是每年拍一部劇集，其他時間可以接拍外面的工作。他以合作形式簽給祖藍，是想多些新嘗試，如向內地發展。他透露快將為無綫拍新劇《白色強人》，與馬國明合作，是醫療劇集。

今年嘅台慶頒獎禮已經曲終人散，所有獎項都名花有主，不過成晚嘅焦點，都係擺咗喺汪阿姐為台前幕後發聲，叫大台加人工、關心吓員工、同埋少啲山頭文化。跟住殼王陳國強即刻做啲嘢穩定軍心，好似話會同邵氏合作搞多啲大製作，又話會搵袁偉豪、蔡思貝同朱晨麗等等！

有周刊報道話，無綫之所以有呢個舉動，係因為即將有新一輪嘅逃亡潮，今次流失嘅藝員將會係一線嘅小生，陳豪同郭晉安將會喺今年約滿，陳豪嘅離巢o依家嘅經理人幫佢接少咗工作，再加上續約傾價錢唔理想，於是乎陳豪決定改一改工作模式，除咗好積極咁玩社交平台之外，喺今年3月接拍大陸劇，報道仲話陳豪會再度同合作17年嘅前經理人嘉莉合作。

同無綫合作咗30年嘅郭晉安，原來都計劃離開無綫，皆因有感於公司一直未有積極安排佢北上賺人仔，而佢眼見王祖藍喺大陸發展又唔錯，於是乎決定轉投祖藍旗下嘅經理人公司，不過佢依然會幫無綫拍劇。

有傳媒分別向安仔同祖藍求證，安仔話：「我冇離開TVB，只係簽咗部頭合約，經理人嘅合約就以合作形式簽了俾祖藍，不過我從來都冇分大陸定香港，都一樣係咁做，只係希望可以試多啲新嘢！」祖藍就話：「我同安仔合作一向都好愉快，我覺得佢係個認真同好有熱誠嘅演員，可以再合作當然好喇！希望大家合作愉快。」