「P图」呢家野真系8至80岁女性嘅恩物，可以令你想要几瘦就几瘦，要几高有几高，唔少女仔都会将P完嘅靓相放上网搵番自信，喺网络世界嘅女神比起现实世界多唔知几多倍。不过「P图」好讲技巧，如果P到啲图畸晒形又或者太假嘅话，真系会俾人笑到面都黄。

今次「P图」P到过晒火嘅就系DoDo姐郑裕玲，话说日前郑丹瑞带埋有「巨胸翠如」之称嘅邓月平（Larine）一齐上商台节目《口水多过浪花》宣传新戏。完左节目之后，DoDo姐就放自己、拍档余迪伟、麻利同埋当日受访者郑丹瑞及Larine嘅相上IG，不过DoDo姐嘅执相技术似乎仍然仲有唔少嘅改善空间，DoDo姐自己就当然冇问题啦，不过企隔篱嘅Larine就阴功萝，靓样无左，成块右边面凹晒，个样变到唔认得佢呀。

不过张相放左一阵之后，有网民提醒DoDo姐，佢就delete左张相，放返张正常相上IG。

-End-

文章均为原创，未经授权一律禁止转载

如未授权转载至公众号，必追究法律责任

公众号回复艺人名字可查看其他八卦

比如：刘德华 / 古天乐 / 快乐家族 / 英皇 / 何炅 / 谢娜 / Boy'z / 叶璇 / 钟丽缇 / 吴亦凡 / 方力申 / 邓丽欣 / TVB / 任达华 / 陈伟霆 / 刘诗诗 / 杨幂 / 钟嘉欣 / 陈冠希 / SNH48……陆续整理中