艺人李亚男同宋熙年由靓靓人妻升呢做靓妈，而岑丽香依家都大紧肚，呢三位靓女一起聚会，李亚男带埋囡囡Gabrielle，以及宋熙年带埋囝囝Damon出席，见到Damon好醒目咁望镜头，而Gabrielle则望住香香个肚，似乎好期待新朋友出世，李亚男于社交网留言：“So happy that we are all mamas! Can’t wait to meet your little bundle of joy @heungheungeliza  Gabrielle is excited to meet her friend ❤（好开心见到妈妈们，好期待香香你迎接你嘅欢乐，Gabrielle都好期待见到佢个新朋友。）”

女神陈法拉寻日37岁生日喇，佢上载咗段片多谢大家嘅祝福！片中嘅佢喺冰湖上跣嚟跣去，仲差啲做出一字马，非常调皮！法拉BB仲获另一男子为佢弹生日歌，真系冧到晕喇，唔知男友有咩表示呢？

之后佢上载另一张相，原来仲去咗“滚”，四川出世嘅佢去食麻辣火锅庆祝呀！网民都祝佢生日快乐之馀，大赞佢冇变过一样咁靓！真系要讲句：“Holiday，我哋真系好挂住你呀！”

最近踩界做歌手的杨思琦现身电台继续宣传新歌《爱的森林》，问到可会趁新歌反应佳乘势追击再出歌？她笑话自己都好希望：“多谢有咁多人支持，但都系等大家唱熟首歌先啦，会睇吓有冇机会再做。”续坦言受新歌带挈都接落不少登台骚，3月亦会去广东做宣传，问到可会想开小型音乐会？她表示虽然有想过，但就冇一个实际计划。

讲到分享与子女相处之道，问到可有留意23岁日本女星北见直美与父兄共浴报导？思琦表示未有留意，但听到此报导都有感到好愕然兼奇怪：“自己都有同小朋友冲凉，但因为我同囡囡都系同性，就冇尴尬问题。（到佢大个都会共浴？）女性就梗系冇问题，有啲同性朋友都可能会一齐共浴、浸温泉添，但异性就唔系太好。”

曾在无綫剧演狐狸精的邓以婷（Irina），早前笑言想“脱狐”，但最近她获邀返横店拍摄大陆网络电影，正正是饰演九尾狐！不过，此狐不同彼狐，今次她扮演一众狐仙的大家姐，最有霸气兼最打得，她直言相当大挑战：“之前冇做过咁有霸气嘅角色，今次我系法力最高，有好多打戏，要吊威吔空中转来转去，都几好玩！但最惨系天气冻又落雨，地下都系泥，成身湿晒，冻系最辛苦！”

前亚姐张珮汶（前名张家莹）（Grace）于上年4月14日举行婚礼，有传她是双喜临门，而原来她已诞下BB，是一名可爱的B女，更已改英文名Alexa。荣升新手妈妈的Grace将Alexa的靓相放上社交网，与大家分享喜悦，她受访时表示自己是开刀产B，现时已出院，但之前身体一直在恢复中，所以现在才公布喜讯，问到Alexa是否似她时，她谓：“个女似老公，系佢嘅前世情人，超开心。” 

前港姐李嘉欣同老公许晋亨向来恩爱，今日系许晋亨嘅57岁生日，但嘉欣喺网上大爆老公竟对另一位“女性”更温柔！不过原来嘉欣所指只系爱猫，见佢甫出老公同爱猫嘅合照，仲一副好温柔嘅样，难怪嘉欣假装“投诉”话：“在老公生日的今天，我忽然感到他对另一位女性更柔软 于是我决定 ....今晩要出大招 ... 等着瞧吧！”网民都话呢个另类放闪，一样闪爆！

艺人徐熙娣（小S）婚后育有三个囡囡，不时都会喺社交网分享一家人生活点滴，佢哋嘅搞笑互动仲非常受网民欢迎，可以话网民系睇住几个小妹妹长大，近年大女Elly由小妹妹成长为少女，好人都赞佢愈大愈靓女，仲有人好奇佢会唔会行阿妈条路杀入娱乐圈？近日小S接受访问时爆出大女Elly想出道做演员，佢话当时把口就表示支持，但系内心其实好反对呢件事！

现年13岁嘅Elly样貌标致加上有一对长腿，有唔少网民仲话佢好似《出猫特攻队》女主角茱蒂蒙翠莎容素欣（Chutimon Chuengcharoensukying），虽然外表有番咁上下，不过小S依然好担心：“因为万一不红我会替她担心，可万一红的话，又得承受诸多批评，我真不知道她是否可以承受。”小S仲同Elly讲清楚，除非有导演上门指明要Elly演戏，否则绝对唔会主动推荐。