视后胡定欣与陈展鹏齐齐亮相《万千星辉贺台庆》红地毡，定欣未有性感示人，问到是否遵照“限奶令”，她说：“我呢套系透视装，都系根据自己心水去拣，台庆嘅衫年年都唔同，唔会因为一个讯息而改变，加上自己拣衫时未公布呢个限奶令。（好姊妹姚子羚好性感？）系呀，佢条裙好靓，好啱佢，可以展露到佢嘅身材。”

定欣表示是第三次与拍档陈展鹏行红地毡，讲到二人因此有默契，定欣说：“好开心，同公司一齐迈向50年，同埋可以同拍档一齐行红地毡，大家都合作咗好耐。”而展鹏表示将在台庆节目中打鼓：“都练咗成个星期，自己冇接触过，不过公司都请咗个老师指导我啲基本嘢。”