艺人江若琳（Elanne）日前接受TVB娱乐新闻台节目《StarTalk》，接受主播许文轩（Edmond）专访，大谈入行十年及回归香港乐坛推出广东歌感受。

江若琳表示今年适逢入行十年，满脑子充满大计，她説：“除了推出广东歌之外，希望今年可以搞个纪念演唱会，好想用正能量同大家分享。”

专访中，Edmond找来江若琳偶像周慧敏（Vivian）拍片鼓励Elanne，片中Vivian说：“Elanne系一个好Sweet好可爱嘅女仔，睇到佢好多经历，佢好刻苦，一步步去面对同往前走。我好珍惜大家嘅缘分，好想鼓励佢同令佢开心。”

Elanne感动得边看边落泪，她说：“真系好多谢Vivian帮忙声演新歌《小灯㙮》嘅独白部分同拍MV，我咁多年冇唱，本身好惊，唔知仲有冇人想听我唱，系佢鼓励我，支持我，叫我继续唱歌，佢唔止系女神，佢仲有个善良嘅心。”

问到近年漂泊内地生活是否难挨？Elanne説：“难挨呀！最初我好绝望，以为会畀个浪浸死，我爸爸妈妈话我知卖咗层楼，叫我拎啲钱去打官司，我反问自己点解要父母承担同担心埋一份，所以我决定企番起身，自己努力去跑数赚钱。”

她又説：“呢几年嘅经历，令我变得乐观同开心咗，我冇其他包袱，想做乜就做乜，我好清楚喺呢行1+1唔系等于2，今日可能你好受欢迎，但听日可能会被攻击成好多人都唔锺意你，我依家唔会再计较，学懂享受过程。”

今年将踏入三十岁的Elanne，被问到对爱情有否憧憬时，她説：“我都希望有事业嘅同时都有人会支持自己同畀个膊头自己依靠。

（同内地演员曹云金拍拖见光死？）原因系唔夹，我好直接㗎！当日大方承认（拍拖），分开都会大方。（点解之前拍拖又唔公开？） 我好诚实，入行后拍过三次，之前嗰两个都唔系呢行，我唔系想隐瞒，但系我希望保护佢，影到咪承认啰！如果唔系我都想低调处理感情事。希望之后可以搵个能够同我分享生活事，而且会支持我梦想嘅人，不过系唔容易。”