采访视频：

怀着第二胎的艺人锺嘉欣由加拿大返港，下午在中环出席化妆品活动。锺嘉欣以白色低胸裙亮相，怀孕五个月的她腹部微微隆起，但身形、手脚依然保持纤瘦，面上更没有出现浮肿，依旧十分省镜！

返港两星期工作

锺嘉欣透露今次只身回港两星期做她喜爱的工作，但也乖乖答应丈夫好好安胎，故没有相约传媒专访，因为不希望把行程编排得密密麻麻。

暂唔想知BB性别

已育有女儿Kelly的锺嘉欣，被问到第二胎是儿子还是女儿？她说：“已经五个几月，其实已经照咗，我冇问医生，亦都叫医生唔好讲，希望保持惊喜，仔女都冇所谓。已经谂定仔女两个名，到时顺产就知道用边个。（Kelly知道做家姐未？）一路都有灌输紧，每日都叫佢‘BB锡锡’，佢依家愈嚟愈黐身，可能知道有少少威胁，亦都买咗个假嘅BB公仔畀佢，佢开始学紧喂奶，等佢慢慢有心理准备，不过Kelly都好乖。”
挂住女儿眼红红

锺嘉欣被问到今次独自回港两星期，可会不舍得女儿？她闻言立即眼泛泪光，并眼红红地说：“唔好讲呢啲，第一次分开咁耐，以为自己OK，但系离开之后老爷奶奶话个女喺屋企搵我，啱啱先同佢视像通话，自己都已经进步咗。（第二胎佗得辛唔辛苦？）好辛苦，自己未试过咁懒，老公每日返嚟都见我摊喺梳化，因为第一孕期又攰又想呕，好多谢老公嘅包容同埋爱锡，佢呢段时间做咗煮饭公、家务公、凑仔公，不过我依家已经精神番。（会唔会再生？）唔会，两个已经好开心，仔女都冇所谓。（身形冇乜转变？）冇乜，比起第一胎个肚大啲、尖啲。（暗示系仔？）唔系，上次佗Kelly嘅时候个肚都好尖，啲人话十成系仔，结果咪系女！两胎个肚都好尖，不过反应怀孕嘅反应就唔同，胃口冇乜转变，但系今次闻到意粉、肉味，隔住几米都想呕，呢一个系素菜BB。”锺嘉欣又指佗第二胎感觉好轻松、好开心，觉得拿捏得到。她又再次强调是最后一胎，不会再生。

预产期在秋天

另外，锺嘉欣又透露预产期会在秋天，但因怕被跟踪，故不想透露实际日子，她又指结婚到怀孕时也不断被爆料。讲到有指锺嘉欣老公爆出她怀有第二胎，锺嘉欣作出否认。

未必做苟芸慧陪嫁姊妹

提到好姊妹苟芸慧将结婚，问到会否做姊妹？她说：“要等佢确定咗日子先，如果今年就未必得，因为有第二个BB简直系180度转变，一个自己都照顾到，第二个就真系有少少惊。”