TVB剧集《致所有爱过的人》今晚筵开11席煞科晚宴，剧中演员林文龙、黄翠如、连诗雅、马贯东、陈自瑶等齐齐出席。

其中林文龙与翠如受访，表示酒席由所有主演演员跟2位监制夹份找数，他又指对剧终感到不舍，兼自爆《致》是入行以来拍得最攰的剧集。

讲到早前拍摄一场跑落闸口戏份时，不慎被闸口撞到头顶而出事，惊见血痕，问到林文龙现时伤势情况？他大派定心丸说：“好得八八九九。（老婆见到好心痛！）如果中到翠如仲大件事，佢（个头）会爆咗，甚至颈骨都会有事，个闸系吊住威吔，我撞到个头都Chok一Chok，我哋做开运动承受个力大啲，女仔就危险。”

而目击者翠如就话幸好得到林文龙保护：“呢场戏试拍咗几次，突然个闸一跌落嚟大家都反应唔切呆咗！佢撞完喺地下好耐冇郁到，之后起身坐埋一边再冰敷，见到佢个头肿晒，大家都好惊！”

问到翠如如何报答救命恩人？她称对方为“龙爷”，林文龙突然大爆翠如是他合作过最有钱的对手。问到最终边个做业主？二人即有默契地互指对方，相当爆笑！

提到翠如于拍摄期间被传有B，问到完成拍摄会即刻开Turbo追B？她闻言对林文龙大呻：“嗰日要拍跑戏，佢哋冇人认真理我，你哋同监制都冇锡住我！我跌咗好多次，只手都瘀晒！”

艺人连诗雅（Shiga）出席TVB剧集《致所有爱过的人》的煞科晚宴，她兴奋表示再次见到剧组人员好开心，虽然之前曾客串演出《使徒行者2》，但她表示《致》才算是她的处女作品。

她说：“今次戏份较重，亦都系主线故事，之前唔当尝试过拍剧嘅滋味，真系唔会日日都对住同一班人对足3个半月，入行9年以嚟都未试过咁。”

Shiga自爆煞科当日是唯一一个爆哭的：“最唔舍得系翠如同阿Yo（陈自瑶），嗰日都忍住唔喊，但阿Yo一嚟拥抱我就爆喊咗出嚟，啲Crew都笑我，话冇见过一个人拍完情绪咁大波动。”又指拍毕后的一个星期都唔想出街好失落，甚至每日都会WhatsApp翠如。